MÜCHITMUDU 4:5 - AMÜSÜH HÜM CL Bible (BSI)

⁵ Lümlung ngüang! Anikhitkhi ngüang! Dümihabah, yungsho I yubo chingnü rholode dütso.

MÜCHITMUDU 4:5 Iomraidhean Croise

2 KIUTHSÜYUKHEAN 34:2

Apinü Atungpuh miki alungki rhimo, tüsho anihbuh jipürü David limrobo ching tsah; apinü tsülim yungsho huzulim manguh.

JOB HU H T ANYU 23:11

I jingnü api jingdükübo ching jungkihlah; inü api limro ching yanchoh tüsho manguh.

MUNGSHIKHÜN 119:157

I thsümüchirü tüsho I riribo hihlah, tütüshe inü nü yakzan thsükhibo chingnü murholo.

MUNGSHIKHÜN 119:51

Akükheangrünü kamruhroro I kheah-a münejihchoh, tüshe inü nü yakzan chingnü müchamachih.

MUNGSHIKHÜN 44:18

Isa mulong murholo; isa jing nü limro chingnü makhin.

MÜCHITMUDU 16:16

Suna kheaknü lümlung ngükhi küdükhüh she atsü! Tüsho shotoyinchi kheaknü anikhitkhi ngüpü mokhitbeah.

MÜCHITMUDU 17:16

Makharü khah ching sho lakhi tümü yihnüpü la, tümüde apinü lümlung ngüpü künde müla?

MÜCHITMUDU 18:1

Mihtsürü shepünü nihbuh zangrü khükhitchonü apinü nihbuh künkhi yimchoh; apinü lümlung mahkhap alala azhihchoh.

MÜCHITMUDU 19:8

Shepünü lümlung ngüchonü nihbuh me muzhochoh; shepünü anikhitkhi zochonü lalim tsübah.

MÜCHITMUDU 23:23

Thiyuro thuloang, tüsho ju düyin; lümlung thsangdankhi tüsho anikhitkhi ngüang.

MÜCHITMUDU 3:1

I tsah-a I yakzan dümih, tüshe nü mulongnü I yukhümbo zoshang;

MÜCHITMUDU 4:7

Lümlung ju khide adungto lah; jumonü lümlung ngüa lung. Nü ngükhi alala kheaknü, anikhitkhi ngüa lung.

MÜCHITMUDU 8:5

O nüsa lümthülihrübo, lümlung anikhitang, tüsho nüsa makharübo, anikhitkhi mulong thsang.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.