MÜCHITMUDU 4:26 - AMÜSÜH HÜM CL Bible (BSI)

²⁶ Nü jing tsahpung lümakheahang, tüsho nü limrobo alala mütsanang.

MÜCHITMUDU 4:26 Iomraidhean Croise

MUNGSHIKHÜN 119:5

O, I limrobo ju nü yakzan thsükhibo yanpü lakhülaa!

MUNGSHIKHÜN 119:59

Inü I limro lümakheah tüsho I jingdükübo nü yakzan thsükhibo lim rholo.

MUNGSHIKHÜN 37:23

Mihtsürü atsü jingdükübo Atungpuh kilimnü lah, tüsho apinü anihbuh limro ching asühchoh.

MUNGSHIKHÜN 40:2

apinü I atrebe alokhün, alomukmuk chingnü bekhit, tüsho I jingdükübo thsakhamjihde lung kheak I jing duboshih.

MÜCHITMUDU 15:21

Lümlung mülarünü arü makhakhi kheak asühchoh, tüshe anikhitkhi mihtsürünü lungkide tsahchoh.

MÜCHITMUDU 21:29

Mihbukmuyuk mihtsürünü nihbuh miro müküpde kamchoh, tüshe alungkirünü a nihbuh limro lümakheahchoh.

MÜCHITMUDU 23:19

I tsah-a, aniang tüsho lümlung laang; tüsho alungki limro ching nü mulong besoang.

MÜCHITMUDU 4:25

Nü mükbo mikhuhlim langakindo kheahang, tüsho nü müngühlim mürüngang.

MÜCHITMUDU 5:21

Tümüde mihtsürü limrobo Atungpuh mükbo ki lah, tüsho api tsahpungbo alala apinü ajama kheahchoh.

MÜCHITMUDU 5:6

Anihbenü rhangdung limro lümamükheah; anihbe tsahpungbo khüranglah, tüshe alibenü ju mümükheah.

EZEKIEL 18:28

Tümütüsho apinü alakmihkhi alala lümakheahchoh tüsho jurü chingnü rholode tsochoh, tsükjide api alabah; api müshe.

HAGGAI 1:5

Kheakü jumonü Wuto Atungpuhnü ha thachoh: Nüsa limrobo lümakheahang.

HAGGAI 1:7

Wuto Atungpuhnü ha thachoh: Nüsa limrobo lümakheahang.

EFISIA 5:15

Lümlung mülarü yung tüshe lümlung larü mihtsürü nangde, nü künangde tsahchonü kümkangde kheahang,

EFISIA 5:17

Jumonü dümakha, tüshe Atungpuh lümkhi tümüanü anikhitang.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

2 TESALONIKA 3:3

Tüshe Atungpuh a thiyuro ah; apinü nüsa düküngshihbah tüsho amütsü chingnü nüsa aheangbah.

IBRI 12:13

Limro arihkhibo kheak tsahang, junangde nü jing nüpkhi müphülapkhit, tüshe athsüngubah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.