MÜCHITMUDU 31:26 - AMÜSÜH HÜM CL Bible (BSI)

²⁶ Alibenü lümlung bede amün khimshuhchoh, tüsho anihbe mulo kheak thsangdankhi lah.

MÜCHITMUDU 31:26 Iomraidhean Croise

ESTER 4:4

Küyimki Ester ki ayamlaberü le dukhabonü Mordekai dünkheak thakhea, alibe mulong thsümünim. Anihbenü Mordekai kilim shungliukhim müthri phuyushihpü püpü khimmih mühah tüshe ju müleangkhi.

ESTER 5:8

“Nünü muzhode inü amushukhi alojihsho shido she nü le Haman nüke inü athsakhamkhi jimpung tsühshihnelah. Judüki inü tümü künlanü nü ki thabah.”

MÜCHITMUDU 10:31

Thiyuro-lungkirü münnü lümlung hande arüchoh, tüshe mülapmüji mulo tsütkhita bahchoh.

MÜCHITMUDU 12:18

Khürünü nukshang chinkhitkhibo nangde asukchoh, tüshe lümlung larü mulonü shihphü tsüshihchoh.

MÜCHITMUDU 16:24

Athünak yubo ju mukhuke nangde, me ching niunglah tüsho robo shihphü tsüshihchoh.

MÜCHITMUDU 19:14

Thüyambo tüsho lakhitbo buhrübo kilimnü yamrüplurüp lah, tüshe lümlung lakhi yamkhünberü ju Atungpuh kilimnü ah.

MÜCHITMUDU 25:15

Arümkheamkhi hode yakzanshuhrü rükyukpü kuklah, tüsho mulo athünaknü ro yihshakpü kuklah.

MÜCHITMUDU 31:27

Alibenü anihbe yambuk rhimorhiyi kurungkheak kheahchoh tüsho yomuhyothsün yikhap mütsüh.

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

KHÜNBOLUNGKHÜN 4:11

Nü münküp kheaknü aniungbe atsamchoh, I yamkhünbe; mukhuke tüsho niuhke nü mulo khüp lah; nü khimmih rhüm thüneakhi ju Lebanon rhüm nangde lah.

MALAKI 2:6

Thiyuro yakzan api mün ching lakheah, tüsho api münküp kheak amülim tümü müngü. Apinü azhihayih tüsho alungki ching I lung tsah, tüsho apinü ahihkhüh amülim chingnü rholoshih.

LUKNÜ ATHRÜTKHI THIYUSHEAK-ATSÜ HUHTANYU 1:38

Judüki Marinü tha, “Atungpuh yamlaberü kheahang! Nü yu yande ju lashang.” Tüsho yunirü ju alibe kinü chamachih.

YUNIRÜBO RHIMO 18:26

Apinü mulong tode sinagog ching thapü tankih; küyimki Priscilla le Aquila bünenü api dünkheak sokhea, anenü thüyam ching bede yübah Thrünpuh limro alü thsüde api ki lungkide thanaka huh.

YUNIRÜBO RHIMO 6:15

Kiuthsü-binkiu ching binrü alalanü Stephen kheak kheahkihde kheah, tüsho amiro ju yunirü miro nangde ngü.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

KOLOSI 4:5

Nü kim tsüde ahoride, amükinrü ki lümlung lade rhimoang.

1 PETER 3:1

Niuberübo, junangde nüsanü nüsa niubuhrü bukkhüp laang, jude athsükhinü khürünü thiyu mania lalashe, thiyu mübede arü niuberü yakli hode arübo kuka lubah,

MAHKHAPRÜ 13:23

Judüki aniubenü api ki tha, “Atungpuhnü isa laksahpü lümkhülaa, apinü taka kingaün tüsho hi kingaün isa khah chingnü müleangkhi, yungsho isa ki hadürü alala muhuh, yungsho ha kim ching hadürü apinü isa ki müthaa labah.”