MÜCHITMUDU 30:7 - AMÜSÜH HÜM CL Bible (BSI)

⁷ O Atungpuh , I müsheyiki mungji mahne lashihpü inü nü ki keokhichoh:

MÜCHITMUDU 30:7 Iomraidhean Croise

2 KIULONG THSÜRÜ 2:9

Küyimki ane hokhea, Elijanü Elisha ki tha, “I nü kheaknü bede mutsoyichokinü, nü thsungkheak inü tümü rhimobeanü I ki thaang.” Elishanü alo, “Muzhobah inü alü thsüde nü me yamrüplurüp luanü.”

MUNGSHIKHÜN 21:2

Api mulongnü akünkhi nünü api kilim jih, tüsho apinü mushukhi nünü alojih.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MÜCHITMUDU 30:6

Api yubo ching düyukajak, jude yungsho apinü nü thürühbah tüsho nü akeangyu tharü ah de amütsanbah.”

MÜCHITMUDU 30:8

I kheaknü arükchih tüsho akeangyu limshude kamshang; I alarü yungsho zhochihrü she dükamshih. I nimung aban yikhap lang jihang;

LUKNÜ ATHRÜTKHI THIYUSHEAK-ATSÜ HUHTANYU 10:42

tüshe khülang lang yihnüpü lah. Marinü alungkibe mokhitdo, tüsho ju alibe kheaknü lude mutso.”