MÜCHITMUDU 30:10 - AMÜSÜH HÜM CL Bible (BSI)

¹⁰ Yamlarü khülangnü nihbuh putungrü düchikhi, jude yungsho apinü nü athruajibah tüsho ju dünkheak amülim thsübah.

MÜCHITMUDU 30:10 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

MÜCHITMUDU 11:26

Shepünü hi mükihde azobanü mihtsürübonü athruajichoh, tüshe shepünü ayinjihbanü arünü api shijihchoh.

MÜCHITMUDU 28:27

Shepünü zhochihrü kilim jihchonü zholümde müla, tüshe shepünü mükbo tukchonü muthrumüneanbo ahihdo labah.

T H S AN GYU T H S AN GR ARÜ 7:21

Mihtsürünü athakhi lüpdükhi dani, jude yungsho nü yamlarünü nü athrukhi nünü asobah;

DANIEL 6:13

Judüki arünü kiulongthsüpuh ki alo, “Juda chingnü ramtsorü bolung khülang, Danielnü nü ki yungsho nünü mütsan-dokhi yukhüm mani, O kiulongthsüpuh, tüshe apinü nimung ching mahsam ki tamkhüntamnüchoh.”

DANIEL 6:24

Kiulongthsüpuhnü thiyukhüm jih, tüsho sherünü Daniel amülim jihkheanü bedarübah kekhüzübo yam ching jipyuk–arü, arü tsührü, tüsho arü niuberübo kekhüzübo yam abolim mukhiungyide kekhüzübonü arü kheak jukkih tüsho arü robo alala adütre kamde yihthünak.

ROMRÜ KILIM PAULNÜ ATHRÜTKHI KIHÜM HUHTANYU 14:4

Khürü yamlarü mahkhappü nü she a? Anihbuh putungrü ki api zhipchoh yungsho lungchoh. Tüsho api bemusubah, tümüde aputungrünü api zhipshihpü kuklah.

YUZÜNGTHALO 15:9

Kümkangang, jude yungsho nü mulong ching amütsü lümkhi ha labah, ‘Zuzu thsüpü kam athünepü khah ki lah.’ Jumonü nünü nü keoniorü zhochihrü azhihde nü mük zhipzhipbah tüsho nünü api kilim tümü müjih; tüsho nüsa azhihde apinü Atungpuh ki zhikhi hode nüsa bolung neak hande arübah.

YUZÜNGTHALO 23:15

“Azhorü khülang nihbuh putungrü kheaknü alihde nü kilim arükhi nünü atungrü kilim düyüloshih.

1 SAMUEL 24:9

Davidnü Saul ki tha, “ Tümü thsükhi Davidnü nü thsümünimpü yimchoh de atharü yu anicho?

1 SAMUEL 26:19

Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’

1 SAMUEL 30:15

Davidnü api ki tha, “Nünü ha thiriribo lung bede yükinahnü?” Apinü tha, “Nünü I mülaksah, yungsho I putungrü khah ching muyukjih de Thrünpuh tamde thiyuchihchimang, tüsho inü arü kilim nü bede ayükibah.”