MÜCHITMUDU 3:9 - AMÜSÜH HÜM CL Bible (BSI)

⁹ Nü lakhitbo tüsho nü rünkihkhi alala akhuh asokhibonü Atungpuh wüntre jihang;

MÜCHITMUDU 3:9 Iomraidhean Croise

THRÜNTAN 28:22

Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”

2 KIUTHSÜYUKHEAN 31:10

Zadok guk atobuh amükeamrü Azarianü api ki alo, “Arünü Atungpuh yam ching arung hande arüpü tankihchokinü, isa tsühpü tüsho aningpü suhdahde alakheah; tümüde Atungpuhnü api mihtsürü müngühjih, junangde ha tode aninga lah.”

2 KIUTHSÜYUKHEAN 31:21

Apinü Thrünpuh yam ching tankih rhimo aban tüsho api Thrünpuh yimpü yakzan tüsho thiyukhümbo yankhi ching, apinü mulong alalanü rhimo; tüsho apinü akuk ngü.

MUNGSHIKHÜN 144:13

junangde isa jakambo ju mungjithürü akhiukkhi ahiuhakhippü thsüde mikhiukde alabah; junangde isa yo namfimihnunubonü isa mükeakbo ching chithürübo tüsho chithürü thürübo bushihbah;

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

ABEKHIT 34:26

Nüsa lo chingnü akhiukkhi akhuh asokhi sangaso atsüdakbe Atungpuh nüsa Thrünpuh yam ching hande arang. Mihnu nunu abe niuhke ching dükhiung.”

MÜCHITMUDU 11:25

Salarü mihtsürü lalim tsüde akambah; shepünü püpürü rungbanü nihbuh runglobah.

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

ISAIA 43:23

Nünü taka kingaünpü thsungkheak nü yo namfimihnu I kilim hande marü, yungsho nü yo laksah-a kingaünkhinü I wüntre müjih. Inü hi kingaün kheangde nü ki hahmülang müjih, yungsho rhümthüneabe kheangde nü mükhishih.

LEVI 19:25

Tüshe kam phüngüpü ching a nüsanü sangaso ju atsühpü kuklah, junangde nüsa thsungkheak hihde asobah. I Atungpuh nüsa Thrünpuh ah.

WÜHKHE 15:20

Nüsanü hi akhuh chukhi chingnü yikhap jihang tüsho ju rhimopung ching yo kingaün jihkhi nangde jihang.

MATHI 25:17

Tüsho 2000 leangkhibuhnü she 2000 alü kamshih.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

YUZÜNGTHALO 14:29

junangde nüsa lung shihcham yungsho yamrüplurüp mülarü Levirü, müshihyih-larü, mürerü, khimoberübo nüsa kiutobo ching larübo arübah reangkeamde atsühbah; junangde Atungpuh nüsa Thrünpuhnü nüsa khahnü arhimokhi alala ching müngühjihbah.