MÜCHITMUDU 3:6 - AMÜSÜH HÜM CL Bible (BSI)

⁶ nü limrobo alala ching api mütsankhitang tüsho apinü nü limro alungki huhbah.

MÜCHITMUDU 3:6 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

NEHEMIA 2:4

Kiulongthsüpuhnü keokhi, “Nünü akünkhi ju tümü a?” Inü yinmi Thrünpuh ki tamkhüntamnü,

NEHEMIA 7:5

Jumonü Thrünpuhnü I mulong ching qiubah mihtsürübo, limberübo tüsho atorübo arü jipü yukhean yimshihpü bemukhungshih. Tüsho ramtso chingnü akhuh aturü jipü yukhean inü ngü, tüsho thrüta ngükhi ju ha:

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MÜCHITMUDU 11:5

Mungchih mülakhi thiyurolungkinü api limro lungkide abebah, tüshe mihbukmuyuk a nihbuh mihbukmuyuknü akeambah.

MÜCHITMUDU 16:3

Nü rhimobo Atungpuh kilim shuhmülanga jihang, tüsho nü lümkhibo akuk ngübah.

MÜCHITMUDU 16:9

Mihtsürü mulongnü api limro lümkhi thsüchoh, tüshe Atungpuhnü api jingdükübo huhchoh.

MÜCHITMUDU 23:17

Nü mulongnü aneakrü mükdüthsü, tüshe kamruhroro Atungpuh trepü künsahde laang.

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 45:13

Inü thiyuro-lungki ching Sairus asürüshihdo, tüsho inü api limro alala mukhiungshihbah; apinü I kiuto thsübah tüsho I yo ramtsorübo zuzu thsüde dükhebah, adün yungsho thsambah thsungkheak yung, Wuto Atungpuhnü thachoh.

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

JEREMIA 10:23

Inü mükheahlah, O Atungpuh , mihtsürübo limro arü danyukkhi ching müla, mihtsürübonü atsahkhi ching arünü jing düküpü khuhlanga muhuhkhuk.

JEREMIA 42:3

Isa küching yüba tüsho isa tümü rhimobeanü Atungpuh nü Thrünpuhnü isa ki huhshang.”

WÜHKHE 9:20

Kim kim ching a amo ju arüngyam kumung nimung anükhüh lang la, tüsho Atungpuh yukhüm anide arünü binkheampung ching la; tüsho Atungpuh yukhüm anide arünü tsahakhin.

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

KOLOSI 3:23

Nünü tümüpürü rhimobanü, mihtsürü thsungkheak yungde, Atungpuh thsungkheak rhimokhi nangde nü mulong alalanü rhimoang,

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

1 SAMUEL 30:8

Davidnü Atungpuh ki keokhi, “Inü thiriribo ha müshamanü de? Inü arü tholoba shi?” Apinü anihbuh ki tha, “Yande müshamang; tümüde tsükjide nünü atholobah tüsho aramrübo khümkhitbah.”