MÜCHITMUDU 3:32 - AMÜSÜH HÜM CL Bible (BSI)

³² tümüde münitphülap mihtsürü ju Atungpuh kilim athraneanbe lah, tüshe rama lakhi api lümthiyan ju alungkirü kheak lah.

MÜCHITMUDU 3:32 Iomraidhean Croise

JOB HU H T ANYU 29:4

küyimki I tsakamde alakhea, küyimki Thrünpuh kheak müyamrü thsükhi I khimyam kumung lakhea;

MUNGSHIKHÜN 18:26

atsangkhitrü ki nünü tsangkhitde huhchoh; mihbukmuyuk ki nünü lungkhangchoh.

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

MÜCHITMUDU 11:20

Sherü mulong amütsü lanü Atungpuh kilim athraneanbe lah, tüshe mungchih mülarü limrobo ching api asühpü lah.

MÜCHITMUDU 14:10

Mulong abannü nihbuh akhüh mükheahlah, tüsho shenü she asühkhi müchamachihkhuk.

MÜCHITMUDU 17:15

Shepünü mihbukmuyuk alim thsüjihcho, tüsho thiyuro-lungkirü bahyukchonü ane chido Atungpuh kilim athraneanbe lah.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

ISAIA 41:24

Nü, atsütsü, tümü müla tüsho nü rhimo kakde akeangkeang; sherünü nü mokhitchonü athraneanbe lah.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’