MÜCHITMUDU 3:2 - AMÜSÜH HÜM CL Bible (BSI)

² tümüde jurünü nü kilim nimung ashang, rhangdung ashang tüsho mungtsü yukajakjihchoh.

MÜCHITMUDU 3:2 Iomraidhean Croise

1 KIULONG THSÜRÜ 3:14

Nü buh Davidnü atsahkhi nangde I yakzanbo tüsho I yukhümbo anide nünü I limrobo ching tsahsho, inü nü kutsüp ashang kamshihbah.”

JOB HU H T ANYU 5:26

Nü ashinbuhrü kambah nü kiuyuk ching akheahmünchi ching hiphung rhimopung ching yukkhi nangde arübah.

MUNGSHIKHÜN 119:165

Sherünü nü yakzan muzholanü mungtsü ato lah, tümünü she arü jing mümükheshih.

MUNGSHIKHÜN 128:6

Am, nünü nü tsührü tsührübo ngüang shi. Israel kheak mungtsü lashang!

MUNGSHIKHÜN 21:4

Apinü nü kilimnü rhangdung kheang, tüsho nünü api kilim rhangdung kutsüpde alapü jih.

MUNGSHIKHÜN 91:16

Kutsüp hode inü api reangkeamshihbah, tüsho api ki I akhümkhit huhbah.

MÜCHITMUDU 10:27

Atungpuh trekhinü kutsüpchoh, tüshe mihbukmuyuk kambo dukkheamchoh.

MÜCHITMUDU 16:31

Ku buyiukkhi ju müretah kuthran ah; ha thiyuro-lungkirü rhangdungnü ngüchoh.

MÜCHITMUDU 4:10

Aniang, I tsah-a, tüsho inü athakhibo leangkhiang, tüsho nü rhangdung kambo hihde alabah.

MÜCHITMUDU 4:4

apinü I ki thsangyu tüsho tha: “Nü mulongnü I yubo zoang; I yukhümbo zoang tüsho laang.

MÜCHITMUDU 9:11

Tümüde I hode nü nimungbo alü kamshihbah, tüsho rhangdung kambo nü kilim yukajakjihbah.

ISAIA 32:17

Thiyurolungki rhimokhi ching mungtsü labah, tüsho thiyuro-lungki hode akhiukkhi ju lünnü keamram tüsho akinashu labah.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 5:1

Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

YUZÜNGTHALO 11:21

junangde Atungpuhnü nüsa jipürü ki arü jihpü thiyuchihchimkhi lo ching alomi kumung thüning lakhi khiungde nüsa le nüsa tsührübo kutsüpde alabah.

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.