MÜCHITMUDU 3:1 - AMÜSÜH HÜM CL Bible (BSI)

¹ I tsah-a I yakzan dümih, tüshe nü mulongnü I yukhümbo zoshang;

MÜCHITMUDU 3:1 Iomraidhean Croise

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 119:153

I thsünü lümakheahang tüsho I bekhitang, tümüde inü nü yakzan mümih.

MUNGSHIKHÜN 119:16

Inü nü yakzan thsükhibo ching asühbah; inü nü yu mümih.

MUNGSHIKHÜN 119:176

I adükheakkhi namfimihnu nangde tsokhido; nü yamlarü yimang, tümüde inü nü yukhümbo mümih.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:61

Mihbukmuyuk liubonü I rhük, tüshe inü nü yakzan mümih.

MUNGSHIKHÜN 119:93

Inü küyimkishe nü yukhümbo mümih, tümüde ju hode nünü I rhangdung jih.

MUNGSHIKHÜN 91:16

Kutsüp hode inü api reangkeamshihbah, tüsho api ki I akhümkhit huhbah.

ABEKHIT 20:6

tüshe I muzhorü tüsho I yukhümbo zorü chithürübo ki mihmüthsüm huhchoh.

MÜCHITMUDU 1:8

I tsah-a, nü buhnü thsangdankhi aniang, tüsho nü benü thsangyukhi dübahyuk;

MÜCHITMUDU 16:31

Ku buyiukkhi ju müretah kuthran ah; ha thiyuro-lungkirü rhangdungnü ngüchoh.

MÜCHITMUDU 2:1

I tsah-a nünü I yubo leangkhisho, tüsho I yukhümbo nü kheak lashihsho,

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

MÜCHITMUDU 31:5

jude yungsho arünü ayungbah tüsho yakzan mihbah, tüsho junoa larü alim alala khenoabahbah.

MÜCHITMUDU 4:2

tümüde inü nü ki atsü yukhümbo jihchoh; I yakzan dübahyuk.

MÜCHITMUDU 4:21

Jurü nü mükbo chingnü düchamachihshih; jurü nü mulong ching zoang;

MÜCHITMUDU 4:5

Lümlung ngüang! Anikhitkhi ngüang! Dümihabah, yungsho I yubo chingnü rholode dütso.

MÜCHITMUDU 8:1

Lümlungnü müzhi de, tüsho anikhitkhinü anihbe düsheak mushuhkih de?

MÜCHITMUDU 9:1

Lümlungnü anihbe yam thsüdo, tüsho dungjing thüne khimdo;

ISAIA 51:17

Nü asürang, nü asürang! zhipang, O Jirusalem, nü shepü Atungpuh khah kheaknü api bukakhiukkhi pung yungkhea,

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

YUZÜNGTHALO 4:23

Kümkangang, Atungpuh nüsa Thrünpuhnü tangzüngkhi nüsanü dümihabah, tüsho nüsa Thrünpuhnü düh de athakhi nüsanü tümükhüh jak yande sangthsü düthsü.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 5:16

“Atungpuh nü Thrünpuhnü thiyukhüm jihkhi nangde nü be tüsho nü buh wüntreang, junangde Atungpuh nü Thrünpuhnü ajihkhi lo ching nü kutsüpde alabah.

YUZÜNGTHALO 5:33

Nüsanü lüpdükhi ching Atungpuh nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

YUZÜNGTHALO 8:1

“Inü nüsa kilim khihni thiyukhüm jihkhi yuzüngbo alala jinjihde anide rhimoang, junangde nüsa rhangdung lade wüh bubah, tüsho Atungpuhnü nüsa bebuhrü ki thiyuchihchimkhi lo ching yünü müküh-a lubah.