MÜCHITMUDU 29:25 - AMÜSÜH HÜM CL Bible (BSI)

²⁵ Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

MÜCHITMUDU 29:25 Iomraidhean Croise

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

THRÜNTAN 20:2

Abrahamnü aniube Sara dünkheak tha, “Alibe I niurü ah.” Tüsho Gerar kiulongthsüpuh Abimeleknü thiyia yüshihbah Sara bea lu.

THRÜNTAN 26:7

Küyimki ju ching lakhi mihtsürübonü aniube dünkheak keokhikheanü, apinü alibe ju api niurü ah de tha. Apinü alibe ju aniube ah de athapü tre tümütüsho ju ching lakhi mihtsürübonü Rebeka dünkheaknü api laksahpü labah de lüm, tümüde alibe akheahpü atsü lakheah.

1 KIULONG THSÜRÜ 19:3

Judüki api trede alakheah; apinü asürü tüsho api rhangdung thsungkheak alihde tso, tüsho Juda ching Beersheba lim arü; apinü ayamlarü ju ching zojih.

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

MUNGSHIKHÜN 118:8

Mihtsürü kheak mulongram lapü dün a Atungpuh kheak kinkhi atsübe ah.

MUNGSHIKHÜN 119:117

I tholoang, tüsho I akhümkhitbah, tüsho inü nü yakzan thsükhibo mutuklode anibah.

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 69:29

Tüshe I zhochihlah tüsho mulong rozhaklah; O Thrünpuh, nü akhümkhitnü I achang kheak lashang.

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

MUNGSHIKHÜN 91:14

Tümütüsho apinü nihbuh amuzho I kheak zo, jumonü inü api bekhitbah; inü api achang kheak lashihbah, tümütüsho apinü I mung mükheahdo.

MÜCHITMUDU 16:20

Shepünü lümlung lade thiyu anichonü atsü ngübah, tüsho shepünü Atungpuh kheak kinchonü, asühpü ju api ah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

MÜCHITMUDU 28:25

Shepünü lülüshishi mulong hanlanü rukachih thurumusuchoh, tüshe shepü Atungpuh kheak kinchonü lalim tsübah.

MÜCHITMUDU 30:5

“Thrünpuh yu aban atsangkhitkhi lah; api kheak kinrü kilim api ju tsung ah.

T H S AN GYU T H S AN GR ARÜ 7:18

Nünü khülang she müdükhede püpü ramlopü ju atsü lah; tümüde shepünü Thrünpuh trebanü ane chido akuk ngübah.

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 6:23

Judüki kiulongthsüpuhnü khide asüh tüsho kekhüzü-yam chingnü Daniel bekhitpü thiyukhüm jih. Jumonü Daniel ju kekhüzü-yam chingnü bekhit, tüsho api kheak yurikhi tümü müngü, tümütüsho apinü api Thrünpuh kheak kin.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 15:12

Judüki jingyanrübonü arübah api ki tha, “Ha thade asochoki Pharisirü mulong yurido de nünü mükheahnah?”

LUKNÜ ATHRÜTKHI THIYUSHEAK-ATSÜ HUHTANYU 12:4

“Tüsho inü nüsa ki thachoh, I müyamrübo, sherünü laksahbah ju dunglim tümü müthsükhuknü arü ki dütre.

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 9:22

Jihudarü tremonü api bebuhrünü jude athakheah, tümüde shepünü api ju Khrista ah de athabanü sinagog chingnü api yankhitbah de Jihudarünü münrüna lakheah.

YUZÜNGTHALO 1:17

Nüsanü mahkhapkhi ching jak dükheah; nüsanü aninirü tüsho atorü ane chido yu aniang; nüsanü mihtsürü sheshe dütre, tümüde mahkhapkhi ju Thrünpuh yo. Khide achakkhi mahmung ju I kilim lubah arang, tüsho inü ju anibah.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

MAHKHAPRÜ 16:11

Jumonü apinü alibe ki tha, “ Arünü I püpüki mürhükkhi liu asobonü tsüde rhüksho I yiuhyiuhde akambah, tüsho püpürü mihtsürü nangde akambah.”

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 21:13

Jumonü apinü ayakli arü miki müthriabah; apinü arü miki abünrü ruk thsüa huh. Apinü ripit khimdopübo kheak zamareak, tüsho amükeke amükhühnam kheak zhikhishih.

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”

1 SAMUEL 27:11

Davidnü Gath lim thiyusheak hanlode arüpü thsüde athrürü yungsho aliberü sheshe maningshih, tümüde apinü hade lüm, “ Arünü isa dünkheak thabah tüsho Davidnü ha ruk rhimodo.” Filistia lomi ching lachoki amuyung api rhimo ha ruk lakheah.