MÜCHITMUDU 28:25 - AMÜSÜH HÜM CL Bible (BSI)

²⁵ Shepünü lülüshishi mulong hanlanü rukachih thurumusuchoh, tüshe shepü Atungpuh kheak kinchonü lalim tsübah.

MÜCHITMUDU 28:25 Iomraidhean Croise

MUNGSHIKHÜN 84:12

O Wuto Atungpuh , mihtsürü shepü nü kheak kinchonü müngühmühi!

MÜCHITMUDU 10:12

Athraneankhinü küpkhuk thurumusuchoh, tüshe amuzhonü neakbo alala lüpdochoh.

MÜCHITMUDU 10:3

Atungpuhnü thiyuro-lungkirü khümde mutsoshihchoh, tüshe apinü mihbukmuyuknü akünkhi bahjihchoh.

MÜCHITMUDU 11:25

Salarü mihtsürü lalim tsüde akambah; shepünü püpürü rungbanü nihbuh runglobah.

MÜCHITMUDU 13:10

Lülüshishikhinü rukachihpü lang akhiukshihchoh, tüshe tsüde thsangdankhi ju lümlung ah.

MÜCHITMUDU 13:4

Yomuhyothsün mihtsürünü tümükhüh künkün she apinü küyimkishe ju müngü. Mürangde arhimorü a apinü akünkhi lüpdükhi ngübah.

MÜCHITMUDU 15:18

Asungsung mihtsürünü rukachih akhiukshihchoh, tüshe arümkheam mihtsürünü rukachih keamloshihchoh.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

MÜCHITMUDU 15:30

Miro yinkhinü mulong asühpü hande arüchoh, tüsho thiyusheak atsünü phü müsüshihchoh.

MÜCHITMUDU 21:24

Lülüshishi tüsho akükheang mihtsürü mung ju, “ Luhmünerü”; apinü lülüshishide kükheangchoh.

MÜCHITMUDU 22:10

Luhmünerü yankhita bahang, tüsho marüpachihkhi tsobah, tüsho rukachihkhi le mükhemükim thakhi arün thsübah.

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

1 TIMOTHI 6:6

suhdahlah de lümsho akinkhi ching alü ato lah;