MÜCHITMUDU 28:20 - AMÜSÜH HÜM CL Bible (BSI)

²⁰ Thiyuro lakhi mihtsürü suhdahde müngühmühibah, tüshe shepü alakhitpü niokheamchonü müthsümüchidüa mutso.

MÜCHITMUDU 28:20 Iomraidhean Croise

NEHEMIA 7:2

I mihtsürü 2: I khiung Hanani tüsho Hanania, chipi kurungkheak aberü athülünkhi mihtsürü tüsho mührü kheak kihode Thrünpuh wüntrebuh ane Jirusalem kiuto kurungkheak yakzan shuhshihpü mokhit.

MUNGSHIKHÜN 101:6

I mükjibo ju lomi ching thiyuro larü kheak labah, junangde arü I lung labah; shepü athülünkhi limro tsahchonü apinü I tankihbah.

MÜCHITMUDU 10:6

Thiyuro-lungkirü ku kheak müngühmühibo lah, tüshe athsümünimnü mihbukmuyuk mün hümdolah.

MÜCHITMUDU 13:11

Thiyuro mülade lakhit ngükhi ju akheambah, tüshe shepünü rhimo hode hanmukhungchonü arünkihbah.

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

MÜCHITMUDU 19:2

Mükheahmudu mülade künsahde alümkhi ju atsü yung, tüsho shepünü niokheamchonü limro dungmihchoh.

MÜCHITMUDU 20:21

Atankih ching niokheamde alü thsükhi lakhit ju akheam ching müngühmühi mülade akambah.

MÜCHITMUDU 20:6

Mihtsürü ahihdonü nihbuh tsükhi thachoh, tüshe thiyuro mihtsürü shepünü ayimkhitkhukba?

MÜCHITMUDU 23:4

Alakhitpü hode dükhi; atuklopü lümlung laang.

MÜCHITMUDU 28:22

Mükhütmüra mihtsürünü lakhitbo dunglim müshamchoh, tüsho nihbuh kheak mükheakmürak arübah de apinü lümamükheah.

MATHI 24:45

“Judüasho nihbuh putungrünü arü kilim kim dükdü ching tsühyungbe jihshihpü api yamlarübo kurungkheak zojihkhi akin-lakhi tüsho lümlung lakhi yamlarü ju she a?

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

LUKNÜ ATHRÜTKHI THIYUSHEAK-ATSÜ HUHTANYU 16:1

Tüsho apinü ajingyanrübo ki tha: “Khinkihthsürü lakhi alarü mihtsürü khülang lakheah, tüsho ha mihtsürünü anihbuh kukrukbo phinphurukkhi dünkheak mudokhi api ki handarü.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

1 SAMUEL 22:14

Judüki Ahimeleknü kiulongthsüpuh ki alo, “Nü yamlarü bolung shepü David nangde thiyuro la? Api kiulongthsüpuh tsühmeakrü ah tüsho nü aheangpü ching athrilah, tüsho nü yam ching alalanü wüntre jihchoh.