MÜCHITMUDU 27:3 - AMÜSÜH HÜM CL Bible (BSI)

³ Lung ju mülanglah tüsho loyi adünkhitlah, tüshe makharü bukmükekhi ju ane chido kheaknü amülangbe ah.

MÜCHITMUDU 27:3 Iomraidhean Croise

THRÜNTAN 49:7

Arü bukakhiukkhi muthrumünean thsang, tümüde ju amüshak ah; tüsho arü mulong zhipzhip kheak, tümüde ju bukmüke ah! Inü arü Israel lomi ching hiumüzütshihbah, tüsho mihtsürü bolung müzütshihbah. @SPACE=

JOB HU H T ANYU 5:2

Tsükjide mulong zhipzhipkhinü makharü laksahchoh, tüsho mükthsükhinü lümthülihrü laksahchoh.

MÜCHITMUDU 12:16

Makharü bukmükekhi khülang kinü mükheahchoh, tüshe lümlung larü mihtsürünü mükhemürangkhi amüsomürang thsüchoh.

MÜCHITMUDU 17:12

Makharü khülang anihbuh makhade makeangkhi ching shorupü kheaknü a anunubo jangkhide atsokhi kuto dreto shorukhi atsübe ah.

MÜCHITMUDU 27:2

Nü münnü yungde püpürünü nü shishang–hanrünü she; küyimkishe nü küdahnü a düh.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

DANIEL 3:19

Judüki Nebukednezarnü Shadrak, Meshak tüsho Abednego kheak mulong zhipzhip, tüsho arü ki api yakli müthriabah. Apinü motru ju püpüki kheaknü thüne ki alü takshihpü thiyukhüm jih,

WÜHKHE 22:27

Tüsho küyimki donkinü Atungpuh yunirü ngükhea, api Balaam khüp mühüpa yap; jumonü Balaam buk alü akhiuk, tüsho donki kheak api tsonü rhap.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.