MÜCHITMUDU 27:18 - AMÜSÜH HÜM CL Bible (BSI)

¹⁸ Shepünü khubasodung kümchonü ju sangaso tsühbah; junangde shepünü nihbuh putungrü aleangchonü wüntre jihbah.

MÜCHITMUDU 27:18 Iomraidhean Croise

2 KIULONG THSÜRÜ 18:31

Hezekia ki dani; tümüde Asiria kiulongthsüpuhnü ha thachoh: ‘Nüsanü I kheak mungtsüang tüsho I kilim akhiukang; jushu nüsa mihbüm abannü nüsa nihbuh kurungaso tüsho khubasodung chingnü atsühbah, tüsho nüsa nihbuh kekhip chingnü ayungbah,

2 KIULONG THSÜRÜ 3:11

Tüshe Jehoshaphatnü tha, “Atungpuh ki isanü keoakheahpü thsüde ha ching Atungpuh wukihrü müla de?” Judüki Israel kiulongthsüpuh yamlarü khülangnü alo, “Elija khah kheak ke bukkihde alabuh, Shaphat tsührü Elisha ha ching lah.”

2 KIULONG THSÜRÜ 5:25

Apinü yüzah tüsho api putungrü miki zhip; tüsho Elishanü api ki tha, “Gehazi, nü küching yükhea?” Apinü alo, “ Küdüküdü she nü yamlarü küching she müyü.”

2 KIULONG THSÜRÜ 5:27

Jumonü Naaman apham ju nü tüsho nü tsühsoniuso kheak lünnü ayükihbah.” Jumonü anihbuh kheak phürüm nangde müyedo apham akhiukbah api mikinü tso.

ESTER 6:11

Jumonü Hamannü khim le khora ludarü, tüsho Mordekai kheak khim phukihjih. Mordekai ju khora kheak binshihbah Haman nü kiuto mühide be, tüsho api müngüh ching hade zhi, “ Kheahang, ha buh mihtsürü kheak kiulongthsüpuhnü küdükhüh wüntre jihpü lümcho!”

MUNGSHIKHÜN 123:2

Kheahang, yamlarünü arü putungrü khah kheahkhi nangde, yamlaberünü nihbe putungbe khah kheahkhi nangde, api amüthsüm isa kheak mülayi khiungde Atungpuh isa Thrünpuh kheak isa mükbonü kheahchoh.

ABEKHIT 24:13

Jumonü Mosanü api rungbuh Jihusua bebah tsahmusu tüsho Atungpuh müzüng kheak wutu.

MÜCHITMUDU 17:2

Lümlung lakhi yamlarünü achih ngüshihkhi tsührü kurungkheak yakzan shuhbah, tüsho keoniorü bolung yamrüplurüp chamachihbah.

MÜCHITMUDU 22:29

Mihtsürü khülang api rhimo ching yeanzamkhi nünü ngüchonah? Api kiulongthsürübo miki zhipbah; api a mümükheahkhi mihtsürübo miki müzhip.

MÜCHITMUDU 27:17

Yinchinü yinchi zükhitchoh, junangde mihtsürü khülangnü püpürü zükhitchoh.

MÜCHITMUDU 27:19

Ke ching miro ayinkhitkhi nangde, mihtsürü mulongnü mihtsürü ayinkhitchoh.

KHÜNBOLUNGKHÜN 8:12

I yo kurungasolu, I yo khung ju I thsungkheak lah; nü, O Solomon, nü a 1000 lah, tüsho sangaso kümrübo 200 lah!

ISAIA 36:16

Hezekia ki dani; tümüde Asiria kiulongthsüpuhnü ha thachoh: ‘ Nüsanü I kheak mungtsüang tüsho I kilim akhiukang; junangde nüsa mihbüm abannü nihbuh kurungaso tüsho nihbuh khubasodung chingnü atsühbah tüsho nihbuh kekhip chingnü ayungbah,

MATHI 24:25

Kheahang inü nüsa ki amüngühnü thado.

MATHI 24:46

Nihbuh putungrü arüchoki, ju rhimode alakhi ngürü yamlarü asühpü.

MARK 10:43

Tütüshe nüsa bolung a jude müthsü; tüshe nüsa bolung shepünü ato kamnelanü nüsa yamlarü thsübeah.

LUKNÜ ATHRÜTKHI THIYUSHEAK-ATSÜ HUHTANYU 12:37

Aputungrü arüde alachoki atünadode alakhi ngürü yamlarübo asühpü. Atsütsü inü nüsa ki thachoh, apinü nihbuh chim rümbah arübo yimtsühpü binshihbah, tüsho arübah arü ahiuhakhipbah.

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

LUKNÜ ATHRÜTKHI THIYUSHEAK-ATSÜ HUHTANYU 19:17

Tüsho apinü anihbuh ki tha, ‘Tsüde rhimodo, yamlarü atsü; tümütüsho nünü khide aninikhüh khülang ching thiyuro lado, kiuto 10 kurungkheak thiyukhüm-sühmüh ahoriang.’

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

YUNIRÜBO RHIMO 10:7

Küyimki api ki asukbuh yunirü chamachihkhea, apinü ayamlarü mahne tüsho mutuklode api aleangrü lungnü mulong-jihrü bonungrü mahne ji.

1 KORINT 3:8

Shepünü khimcho tüsho shepünü ke duhchonü ane rukhüh ah, tüsho mihbüm aban api rhimo ayannü mihkhah dün leangkhibah.

1 KORINT 9:13

Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de?

1 KORINT 9:7

Shepünü nihbuh küdahnü bahzübahdode bonungrü rhimo thsücho? Shepünü aso asokhi mütsühde kurungasolu thsücho? Shepünü niuhke müyungde mihnu boto neakcho?

KOLOSI 3:22

Yamlarübo, lüpdükhi ching nü yo aputungrübo ki mihyuaniang; arünü nü kheahde alachoki tüsho arünü amuzhoshihpü lang yung, tüshe mulong jihde tüsho Atungpuh wüntrede ju rhimoang.

2 TIMOTHI 2:6

Mürangde awochakrü thulu thsürünü hi akhuhbe shihcham lubeah.

1 PETER 2:18

Yamlarübo, nüsa putungrübo, muzhode tüsho amüthsümrü ki lang yung tüshe amüküprü ki she khide wüntre jihang.

1 PETER 2:21

Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.