MÜCHITMUDU 26:21 - AMÜSÜH HÜM CL Bible (BSI)

²¹ Mokhihnü lamlamshihchoh tüsho sangnü mo aniushihchoh, junangde rukachih mihtsürünü kiumüzhim akhiukshihchoh.

MÜCHITMUDU 26:21 Iomraidhean Croise

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

1 KIULONG THSÜRÜ 12:20

Küyimki Jeroboam alode arüdo de Israel alalanü asokhea, arünü yüshihbah api boto mukhung ching jidarü tüsho Israel alala kurungkheak api kiulongthsürü kamshih. Juda trük kheak hode David yamkhün yanrü sheshe mülakheah.

MUNGSHIKHÜN 120:4

Thirithsürü ayuk hühzobo, mokhih-mürüm bede!

MÜCHITMUDU 10:12

Athraneankhinü küpkhuk thurumusuchoh, tüshe amuzhonü neakbo alala lüpdochoh.

MÜCHITMUDU 15:18

Asungsung mihtsürünü rukachih akhiukshihchoh, tüshe arümkheam mihtsürünü rukachih keamloshihchoh.

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.

MÜCHITMUDU 30:33

Tümüde niuhke rhukhinü akingkung akhiukchoh, tüsho nupung thünitkhinü thiyih müyanchoh, junangde bukmükekhinü rukachih akhiukchoh.