MÜCHITMUDU 25:12 - AMÜSÜH HÜM CL Bible (BSI)

¹² Lümlung lakhi mihtsürünü athürühkhi ju anide alakhi nükhün ching suna nüpü yungsho suna atsüdak zülu nangde lah.

MÜCHITMUDU 25:12 Iomraidhean Croise

2 SAMUEL 1:24

O Israel tsührübo, Saul mitripang, shepünü nüsa kheak shoto mürümbo phuyujihkhea, shepünü nüsa khim kheak suna zütbo yihkihjihkhea.

JOB HU H T ANYU 28:17

Suna tüsho meayinlungnü ju makekhuk, yungsho amo-achak suna atsüdaknü mümüthriachihkhuk.

JOB HU H T ANYU 42:11

Judüki api khiungmungrü tüsho chiniurübo tüsho püpüki api mükheahachihrü alala api kilim arü, tüsho arünü anihbuh yam ching api lung yikhap tsüh; Atungpuhnü api kheak thsümütsü alala hande arükhi thsungkheak arünü api kheak are dükhi huh tüsho mulong shukheam; tüsho arü abannü api kilim sho tüsho suna yingkhüm jih.

MUNGSHIKHÜN 141:5

Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

ABEKHIT 32:2

Aronnü arü ki alo, “Nüsa niuberü, nüsa tsührü athrürü tüsho aliberübonü anükhi suna nüpübo yihkhita lude I kilim arang.”

ABEKHIT 35:22

Mulongde alarü athrürü tüsho aliberü ahihdonü nüpübo, nupung-nüpübo khahrihbo, lakbo, suna kukrukbo alala, jurü ju mihtsürübonü suna kingaün ATUNGPUH kilim jihkhi lubah arü.

MÜCHITMUDU 15:5

Makharünü nihbuh abuhnü thsangdankhi mükhemükimchoh, tüshe shepünü athsülangkhi luchonü lümlung larü ah.

MÜCHITMUDU 20:12

Asopü nükhün tüsho angüpü mük ane chido Atungpuhnü thrünjihdo.

MÜCHITMUDU 9:8

Luhmünerü düthürüh, jude yungsho apinü nü thraneanbah; lümlung larü mihtsürü thürühang, tüsho apinü nü muzhobah.

T H S AN GYU T H S AN GR ARÜ 7:5

Makharü khün anipü kheaknü a lümlung larünü athürühkhi anipü atsübe.

EZEKIEL 16:12

tüsho inü nü nupung kheak nupung-nüpü tüsho nü nukubo kheak nüpü yukjih tüsho akheahakham kuthran nü ku kheak thranjih.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.