MÜCHITMUDU 24:6 - AMÜSÜH HÜM CL Bible (BSI)

⁶ tümüde lümlungnü abekhi hode nünü thirithsüchoh, tüsho thsangdanrü hihkhi ching akuk ngükhi lah.

MÜCHITMUDU 24:6 Iomraidhean Croise

2 KIUTHSÜYUKHEAN 22:4

Apinü Ahab yamkhünnü arhimokhi nangde Atungpuh miki amütsü rhimo; tümüde abuh she dunglim arübo ju api thsümünimpü, api tuthsukrü lakheah.

MÜCHITMUDU 11:14

Küching lümthiyan mülanü trükshih keamchoh; tüshe lümthiyanrü hihkhi ching atsokhitkhi lah.

MÜCHITMUDU 15:22

Lümthiyan mülasho lümkhi akuk müngüchoh, tüshe lümthiyanrü hihkhi ching jurü akuk ngüchoh.

MÜCHITMUDU 20:18

Athsunganah yimde lümkhibo thsang; thirithsüpü lasho, lümthiyan luang.

LUKNÜ ATHRÜTKHI THIYUSHEAK-ATSÜ HUHTANYU 14:31

Yungsho kiulongthsürü khülangnü api azhihde 20,000 bebah arükhi, apinü mihtsürü 10,000nü bebah thirithsüpü kukla shi mukuknü akhuhde binbah lümamükheahcho de?

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.