MÜCHITMUDU 24:28 - AMÜSÜH HÜM CL Bible (BSI)

²⁸ Amütsan mülade nü yamhingrü azhihde thiyumütsan düthsü yungsho nü münküpbonü dümülapyuk.

MÜCHITMUDU 24:28 Iomraidhean Croise

JOB HU H T ANYU 2:3

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla tüsho Thrünpuh wüntrerü alungki tüsho amütsü chingnü bahkhichoh. Amüdopü mülade api thsümünimpü api azhihde nünü I athsungthsung she apinü judü lang thiyuro lah.”

MUNGSHIKHÜN 35:11

Mihmukhiuh thiyumütsanbo I azhihde arüchoh; inü mümükheahkhi arünü I ki keokhichoh.

MUNGSHIKHÜN 35:7

Amütsan mülade arünü I thsungkheak azheang zo, tüsho I phuhpü müthrim asük kiu.

MUNGSHIKHÜN 52:1

O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

ABEKHIT 20:16

“Nünü nü yamhingrü azhihde arükchih thiyumütsan düthsü.

ABEKHIT 23:1

“Nünü akeangyu thiyusheak mahiuhbeah. Thiyuro mülakhi thiyumütsan thsüpü mihbukmuyukrü dürung.

MÜCHITMUDU 14:5

Thiyuro lakhi thiyumütsannü akeangyu mütha, tüshe arükchih thiyumütsannü akeangyu thachoh.

MÜCHITMUDU 19:5

Arükchih thiyumütsan jihrü müthsümüchidüa mutso, tüsho shepünü akeangyu asukchonü mutsokhi.

MÜCHITMUDU 19:9

Arükchih thiyumütsan jihrü müthsümüchidüa mutso, tüsho shepünü akeangyu asukchonü adükheakbah.

MÜCHITMUDU 21:28

Arükchih thiyumütsan adükheakbah, tüshe düshihde lümakheahrü yu rünkhiungbah.

MÜCHITMUDU 25:18

Mihtsürü shepünü nihbuh yamhingrü azhihde thiyumütsan thsüchonü shitso, nukshang, tüsho hühzo nangde lah.

MÜCHITMUDU 26:19

nihbuh yamhingrü mülapyukkhi mihtsürü ah, tüsho thachoh, “ Inü keangrükheah!”

LEVI 19:11

Nüsanü dahüh yungsho rük thsüde dümülapyuk yungsho khülangnü khülang ki akeangyu dütha.

LEVI 6:2

Küyimki nüsa khürünü yamhingrü ki zomukhungkhi yungsho thiyuchihchimkhi ching mülapyukde yungsho ahühmudode, Atungpuh azhihde neak yihbeakbanü yungsho nünü yamhingrü junosho,

LEVI 6:3

yungsho tümükhüh dükheakkhi ngübah akeangyu thasho–khürünü rhimobah neak yihbeakbe mungjithürü dünkheak amülim thiyuchihchimsho,

MATHI 27:23

Judüki kovünornü tha, “Tümü thsükhi, apinü amütsü tümü rhimoa la?” Tüshe arünü alü thsüde tha, “Api yümkihang!”

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

KOLOSI 3:9

Khülangnü khülang ki akeangyu dütha, tümütüsho nüsanü awün yakli rhimobo bahdo,

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.