MÜCHITMUDU 24:16 - AMÜSÜH HÜM CL Bible (BSI)

¹⁶ tümüde thiyurolungki mihtsürü thüne ki lungpü kuklah, tüsho asürülobah, tüshe mihbukmuyuk a thsümütsünü akeambah.

MÜCHITMUDU 24:16 Iomraidhean Croise

THRÜNTAN 19:35

Jumonü anenü ju re she ane abuh yukhu duh, tüsho akheambe yübah api lung yap, tüsho alibe küyimki yapkhea tüsho küyimki wusukheanü apinü mümükheah.

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

JOB HU H T ANYU 5:19

Apinü thsümütsü thuruk chingnü nü bekhitbah; thsümütsü thüne ching tümünü nü muqiu.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

MUNGSHIKHÜN 34:21

Amütsü-rhimonü mihbukmuyuk laksahbah; tüsho thiyuro-lungkirü thraneanrü bahyukbah.

MUNGSHIKHÜN 37:24

Api lunga lalashe phapde müyap; tümüde Atungpuh khahnü api tholochoh.

MUNGSHIKHÜN 52:5

Junangde Thrünpuhnü lünnü nü thsümünimbah; apinü nü lude atsobah, tüsho nü lapung chingnü nü yihkhitbah, tüsho rhangdung lakhi lomi chingnü nü rukkhitbah.

MUNGSHIKHÜN 7:16

Api rhimo-amütsü anihbuh kheak arülochoh, tüsho apinü athsümünimkhi aku kheak akihchoh.

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

MÜCHITMUDU 13:17

Mihbukmuyuk yunithsürü küpkhuk ching keamyukchoh, tüshe thiyuro lakhi limburünü mungtsü hande arüchoh.

MÜCHITMUDU 13:21

Kuhi amütsünü aneakrübo müshamchoh, tüshe thiyuro-lungkirü ki a atsünü ashaklobah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MÜCHITMUDU 24:22

tümüde arü thsümütsü nahde arübah, tüsho anenü hande arüpü athsümünim ju shepünü mükheahla?

MÜCHITMUDU 6:15

Jumonü api thsümütsü nahde arübah; mütsülopü thsüde api nahde athsümünimbah.

JEREMIA 18:17

Aniakhiuklim pung nangde, inü arübo thiriri müngüh hiumüzütshihbah. Arü thsümütsü nimung inü I miro yungde I düthsün arü ki huhbah.

JEREMIA 8:4

Nünü arü ki thabah, Atungpuhnü ha thachoh: Küyimki mihtsürü lungbanü, arünü alode masürücho de? Arünü limdungmihsho murholocho de?

EZEKIEL 7:5

Wuto Atungpuhnü ha thachoh: Thsümütsü! Amusokhi thsümütsü arüchoh.

AMOS 5:2

Anünübe Israel masürülopü thsüde lunga lah; anihbe lo kheak bahyuka lah, shenü anihbe mülahmusu.

AMOS 8:14

Sherünü Samaria, Dan tüsho Beersheba sangthsübo kingaünbanü arübo alungbah, tüsho küyimkishe masürülo.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.

1 SAMUEL 31:4

Judüki Saulnü api thsühnuk hanrü ki tha, “Nü nukshang dukkhitang tüsho I düchipang, junangde harü tsütamübahrünü arübah ninnin thsüde müdüchip.” Tüshe api thsühnuk hanbuhnü mümulongde alakheah; tümüde api treabah. Jumonü Saulnü anihbuh nukshang dukkhitbah ju kheak keam.