MÜCHITMUDU 24:13 - AMÜSÜH HÜM CL Bible (BSI)

¹³ I tsah-a, mukhuke tsühang, tümüde ha tsülah; mukhukerüp ching yo mukhuke ju nü mulo kheak niunglah.

MÜCHITMUDU 24:13 Iomraidhean Croise

MUNGSHIKHÜN 119:103

Nü yubo küdükhüh she niungla, I mün ching mukhuke kheaknü aniungbe ah!

MUNGSHIKHÜN 19:10

Jurübo suna kheaknü shoto, suna kheaknü alü atsangkhitbe; jurübo atsangkhitkhi mukhuke kheaknü aniungbe ah.

MÜCHITMUDU 16:24

Athünak yubo ju mukhuke nangde, me ching niunglah tüsho robo shihphü tsüshihchoh.

MÜCHITMUDU 25:16

Nünü mukhuke ngüsho, nü kün thülün lang tsühang, jude yungsho hihde tsühbah nü amülümbah.

MÜCHITMUDU 25:27

Mukhuke hihde atsühkhi, yungsho nihbuh mungshipü yimkhi ju atsü yung.

MÜCHITMUDU 27:7

Küyimki nü bukthsübanü, nünü mukhuke thsunglobah, tüshe küyimki nü akhümbanü, tsühyungbe akhüh she aniung tsühkhitchoh.

KHÜNBOLUNGKHÜN 4:11

Nü münküp kheaknü aniungbe atsamchoh, I yamkhünbe; mukhuke tüsho niuhke nü mulo khüp lah; nü khimmih rhüm thüneakhi ju Lebanon rhüm nangde lah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 7:15

Apinü amütsü reanglopü tüsho atsü mokhitpü mükheahkhi kim chingnü apinü niuhke-kingkung tüsho mukhuke tsühbah.

MATHI 3:4

Johannü kemel nam phuyu, shihküpnü achim rüm; tüsho api tsühyungbe ju tangkhobo le mukhuke lakheah.

MAHKHAPRÜ 14:9

Apinü ju chakkhia akhah ching lu tüsho tsühde yü. Küyimki api abuh le abe kilim arükheanü apinü ane kilim anükhüh jih, tüsho ane she tsüh. Tüshe apinü kekhüzü ashemi kheaknü mukhuke lukhi ane ki mütha.

1 SAMUEL 14:27

Tüshe Jonathannü abuhnü thirithsürü kheak thiyuchihchimde athakhi muso; jumonü apinü akhah ching zhimkhi tso mulo mukhukerüp ching athso, tüsho mukhuke ju tsüh; tüsho amükjibo rhüngrhüngde kam.