MÜCHITMUDU 24:12 - AMÜSÜH HÜM CL Bible (BSI)

¹² “Tsükjide isanü ha mümükheah,” de nüsanü thasho, shepünü mulongbo adünchonü lümamükheahba de? Shepünü nü me aheangchonü ju mümükheah de? Mihtsürü aban nihbuh rhimo ayannü apinü mathrihloba de?

MÜCHITMUDU 24:12 Iomraidhean Croise

JOB HU H T ANYU 34:11

Tümüde apinü mihtsürü kuhi api rhimobo yande jihlochoh, tüsho api limrobo yande apinü api thsambah khülang ngüshihchoh.

MUNGSHIKHÜN 121:3

Apinü nü jingbo mülihshih; shepünü nü aheangchonü anede müyü.

MUNGSHIKHÜN 121:8

Atungpuhnü ha kimnü ründe tüsho lünnü nü wukhiukkhi tüsho azahkhi kümbah.

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

MUNGSHIKHÜN 66:9

apinü isa rhangdung lashih tüsho isa mangakshih.

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

MUNGSHIKHÜN 94:9

Shepünü nükhün thrünkheanü, apinü musoba de? Shepünü mük thrünkheanü, apinü müngüba de?

MÜCHITMUDU 12:14

Mihtsürü khülang ju nihbuh mün sangaso atsünü reangkeambah, tüsho api khah rhimonü anihbuh thsambah ngübah.

MÜCHITMUDU 16:2

Mihtsürü limro alala nihbuh mük ki atsangkhit lah, tüshe Atungpuhnü lümkhibo adünchoh.

MÜCHITMUDU 21:2

Mihtsürü limrobo alala nihbuh mük ki alungki lah, tüshe Atungpuhnü mulongbo adünchoh.

MÜCHITMUDU 5:21

Tümüde mihtsürü limrobo Atungpuh mükbo ki lah, tüsho api tsahpungbo alala apinü ajama kheahchoh.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

T H S AN GYU T H S AN GR ARÜ 5:8

Nünü lomi khülang ching zhochihrü junokhi tüsho thiyuro le alungki ahorimüchihkhi ngüsho, ju dünkheak dümüyinsah; tümüde atorü achang ju achangbenü kheahde lah, tüsho kheaküshe ane kurungkheak achangbe lah.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 32:19

lümthiyan ching ato tüsho rhimo ching wuto; tümüde arü limro alala tüsho arü rhimokhi sangaso yande thsambah jihpü mihtsürü limro alala lim nü mükbo khimshuhlah.

TÜZHOKHI 3:36

küyimki khürü thiyuro lakhi bephülapbanü, Atungpuhnü ju müngü de?

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

YUNIRÜBO RHIMO 17:28

tümüde ‘Api kheak isa lah, aphapchoh tüsho rhangdung lah’; tümüde nüsa yo thiyutsü thrütrü khürünü thaa lah, ‘Isa api tsührübo ah.’

ROMRÜ KILIM PAULNÜ ATHRÜTKHI KIHÜM HUHTANYU 2:16

Ha I yo thiyusheak-atsü yande Thrünpuhnü Jisu Khrista hode mihtsürü lümkhibo mahkhap nimung dünjibah.

ROMRÜ KILIM PAULNÜ ATHRÜTKHI KIHÜM HUHTANYU 2:6

Tümüde mihtsürü aban apinü arhimokhi yande Thrünpuhnü thsambah jihbah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 2:18

“Tüsho Thyatira borü ching yunirü kilim thrütang: ‘Amükbo motru nangde, tüsho ajing müwayinchi phezhingzhingkhi nangde alakhi Thrünpuh tsührü yubo.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

AMIKHEAKAKHIUKKHI 22:12

“Kheahang, mihbüm aban apinü arhimokhi dün jihpü I thsambah hanbah I nahde arüchoh.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”

1 SAMUEL 2:3

Khide kükheangde thiyu dütha, akükheang yu nü mün chingnü dakhiukshih; tümüde Atungpuh ju mükheahmudu Thrünpuh ah, tüsho apinü rhimobo adünchoh.

1 SAMUEL 2:6

Atungpuhnü laksahchoh tüsho rhangdung lashihchoh; apinü Ashe-lomi ching beyukchoh tüsho asürüloshihchoh.

1 SAMUEL 25:29

Khürünü nü müshampü asürüsho tüsho nü rhangdung yimsho, I tungpuh rhangdung ju Atungpuh nü Thrünpuhnü akümkhi rhangdung ching rhükdoa zobah; tüshe nü riribo rhangdung a lunghitliu chingnü hitkhita bahkhi nangde apinü hitkhita bahbah.