MÜCHITMUDU 23:4 - AMÜSÜH HÜM CL Bible (BSI)

⁴ Alakhitpü hode dükhi; atuklopü lümlung laang.

MÜCHITMUDU 23:4 Iomraidhean Croise

JOB HU H T ANYU 27:19

Api lakhita yapchoh tüshe mühanmukhunglo; apinü api mük rheakchoh tüsho ju tsoabahdo.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

MÜCHITMUDU 27:24

tümüde lakhitbo lünnü alapü yung, yungsho kuthran ju lünbo alala ching rünkhiungde müla.

MÜCHITMUDU 28:20

Thiyuro lakhi mihtsürü suhdahde müngühmühibah, tüshe shepü alakhitpü niokheamchonü müthsümüchidüa mutso.

MÜCHITMUDU 3:5

Nü mulong athrünkhinü Atungpuh kheak kinang tüsho nü anikhitkhi kheak dangükih;

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

T H S AN GYU T H S AN GR ARÜ 5:13

Inü alomiküp ching amütsübe ngüdo: mihtsürübonü nihbuh yuripü lakhit zomukhungdo,

ISAIA 5:21

Nüsa shepü nihbuh küdah lümlung lah tüsho rükri lah de lümchonü are!

JEREMIA 9:22

Asukang! Atungpuhnü ha thachoh: Mükeak ching bahyakkhi nangde, yimlurü dunglim hi bahkhi nangde, mihtsürü ashemibo keambah tüsho shenü arü mühanmukhung.

MATHI 6:19

“Ari le thrungnü atsühpung tüsho ahührünü chakashungde yüzahbah ahühpü lakhi alomi kheak nüsa lakhitbo dühanmukhung;

MARK 4:19

tüsho ha lomi mulong sansan, lakhitbo muzhokhi, tüsho püpü yihnelunekhinü thiyu ju khüpsahshihchoh, tüsho ju aso masokhi kamchoh.

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”