MÜCHITMUDU 23:29 - AMÜSÜH HÜM CL Bible (BSI)

²⁹ Shepü mulong tukthsü la? Shepü mulong rozhak la? Shepü rukachihkhi la? Shepü atsangkhibo la? Shepü mübo la? Shepü mükmürümkhi la?

MÜCHITMUDU 23:29 Iomraidhean Croise

THRÜNTAN 19:33

Jumonü anenü ane abuh ju re yukhu duh. Tüsho adüjibenü yübah abuh lung yap, tüsho alibe küyimki yapkhea tüsho küyimki wusukheanü apinü mümükheah.

THRÜNTAN 49:12

Api mükjibo yukhunü mürümlah, tüsho niuhkenü ahü müyelah. @SPACE=

2 SAMUEL 11:13

Davidnü api ju tsühyungpü api miki jiyuk tüsho api müshangshih; tüsho arelim api tungpuh yamlarü lung binkiu kheak yappü wukhiuk, tüshe apinü ayam lim müyüki.

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

MÜCHITMUDU 20:1

Yukhu ju luhmüne, amüshangbe ju arhungangüm, tüsho shepü hadürünü bephülapde tsochonü lümlung larü yung.

MÜCHITMUDU 23:20

Yukhuri kihrü yungsho shih mürhükrü lung datruachih;

MÜCHITMUDU 23:21

tümüde amüshangrü tüsho bukchihrü ju zhochihrü kambah, tüsho anede ayükhinü mihtsürü kheak khimmürhütbo phukihjihbah.

ISAIA 5:11

Nüsa sherü amüshangbe müshamde yapsu mükikde asürücho, shepü yukhunü amüshangpü thsüde are khiungde lachonü are.

ISAIA 5:22

Nüsa shepü phapke yungkhi ching athrungrü la tüsho yukhu rhupü ching mulong torü lanü are,

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.