MÜCHITMUDU 22:23 - AMÜSÜH HÜM CL Bible (BSI)

²³ tümüde Atungpuhnü arü dünkheak atsangbah tüsho sherünü arü yankhia luchonü yankhia lubah.

MÜCHITMUDU 22:23 Iomraidhean Croise

MUNGSHIKHÜN 103:6

Atungpuhnü junoa larü alala thsungkheak thiyuro-lungki tüsho thiyuro rhimochoh.

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 12:6

Atungpuhnü alokhikhibo ju motru ching thüne ki tsangkhitkhi shotoyinchi nangde lah.

MUNGSHIKHÜN 140:12

Atungpuhnü thsünürü thsungkheak thsakhamchoh tüsho zhochihrü thsungkheak thiyuro zochoh de inü mükheahlah.

MUNGSHIKHÜN 140:13

Tsükjide thiyuro-lungkirünü nü mung ching makshe jihbah; alungkirü nü miki labah.

MUNGSHIKHÜN 35:1

O Atungpuh , I azhihrü kheak azhihang; I bede keochihrü kheak keochihang.

MUNGSHIKHÜN 35:10

I mulong athrünkhinü athabah, “O Atungpuh , nü nangde she la? Nünü sühmüh larü kheaknü ayiuhyiuhrü, tüsho junorü kheaknü zhochihrü bekhitchoh.”

MUNGSHIKHÜN 43:1

O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

MUNGSHIKHÜN 68:5

Mürerü abuh tüsho khimoberü tsungdojihrü Thrünpuh ju api amüsüh lapung ching lah.

ABEKHIT 22:22

Nüsanü khimoberü yungsho mürerü dükheahmüchih.

ABEKHIT 22:23

Nüsanü arü kheahmüchihsho, tüsho arünü I ki zhisho, tsükjide inü arü zhikhi sobah;

MÜCHITMUDU 21:7

Mihbukmuyuk athsümünimnü arü dükheakbah, tümütüsho arünü thiyuro rhimopü reanglochoh.

MÜCHITMUDU 23:11

tümüde arü Tsungdorü amürang lah; apinü arü dünkheak nü azhihde atsangbah.

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 50:34

Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

JEREMIA 51:36

Jumonü Atungpuhnü ha thachoh: Inü nü tsunglobah tüsho nü thsungkheak royimbah. Inü anihbe kebo ngahshihbah tüsho kenü kungshihbah;

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

1 SAMUEL 24:12

Atungpuhnü I le nü dükeak mahkhapshang! Atungpuhnü nü kheak I royimshang; tüshe I khahnü a nü kheak mazhih.

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.