MÜCHITMUDU 22:22 - AMÜSÜH HÜM CL Bible (BSI)

²² Zhochihrü ki api zhochihmonü aram-mihshik düthsü, yungsho mahkhappung ching müthsümülarü düthsümüchi;

MÜCHITMUDU 22:22 Iomraidhean Croise

JOB HU H T ANYU 31:16

Inü zhochihrü künkhi tümükhüh tukloa lasho, yungsho khimoberü mükkin thsükhi müjih-a lasho,

JOB HU H T ANYU 31:21

inü zhochihrü azhihde I khah shuhkih-a lasho, ripit kheak I rungrü lakhi ngümonü;

ABEKHIT 23:3

Mahkhapkhi ching nünü zhochihrü mihtsürü ki jakdükheah.

ABEKHIT 23:6

“Nünü zhochihrü mahkhapkhi ching thiyuro dübephülapjih.

MÜCHITMUDU 21:7

Mihbukmuyuk athsümünimnü arü dükheakbah, tümütüsho arünü thiyuro rhimopü reanglochoh.

MÜCHITMUDU 22:16

Nihbuh lakhit jakihpü thsüde shepünü zhochihrü junocho, tüsho shepünü alarü kilim jihchonü ane chido zhochihrü kambah.

ISAIA 10:2

küpkhukrü thiyuro chingnü beakhinpü tüsho I mihtsürü zhochihrü alim bephülappü, junangde khimoberübo nüsa yo ayankhikhi kukruk thsübah, tüsho mürerübo nüsa shih thsübah!

EZEKIEL 22:29

Lomi mihtsürünü jangkhijangra tüsho khukshik rhimodo; arünü zhochihrü tüsho müthsümülarü juno, tüsho alim mahoride khiungkerü ki jangkhijangrado.

LEVI 19:13

Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo.

LEVI 25:17

Jumonü nüsanü khülangnü khülang kheak dümülapyuk, tüshe nüsanü nüsa Thrünpuh wüntreang, tümüde I Atungpuh nüsa Thrünpuh ah.

ZEKARIA 7:10

khimoberü, mürerü, khiungkerü, yungsho zhochihrü düjuno; tüsho khülangnü khülang azhihde nüsa mulong ching amütsü lümkhi düthsü.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

YUZÜNGTHALO 23:16

Apinü tsülah de lümbah nüsa kiuto khülang mokhitkhi ching nü lung lapü kuklah; nünü api düjuno.