MÜCHITMUDU 22:11 - AMÜSÜH HÜM CL Bible (BSI)

¹¹ Shepünü mulong amüsüh muzhocho, tüsho nihbuh yu ching amüthsüm lanü kiulongthsüpuh ju api müyamrü labah.

MÜCHITMUDU 22:11 Iomraidhean Croise

1 KIULONG THSÜRÜ 4:5

Nathan tsührü Azaria ju atorübo kumung lakheah; Nathan tsührü Zabud ju amükeamrü tüsho kiulongthsüpuh müyamrü lakheah;

ESTER 10:3

Jihudabuh Mordekai ju kiulongthsüpuh Zerzes khinbuh lakheah. Amüyamrü Jihudarü bolung api lang thude la, tümüde apinü amihtsürü tsüpü tüsho tsühsoniuso thsungkheak mungtsü rhimojih.

MUNGSHIKHÜN 101:6

I mükjibo ju lomi ching thiyuro larü kheak labah, junangde arü I lung labah; shepü athülünkhi limro tsahchonü apinü I tankihbah.

MUNGSHIKHÜN 24:4

Shepü khahbo tüsho mulong amüsüh la, shepünü sangthsübo mükingaüncho tüsho akeangyu thiyuchihchim müthsücho.

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MÜCHITMUDU 14:35

Kiulongthsüpuh muzho ju lümlung lakhi yamlarü kilim lah, tüshe api bukakhiukkhi ju achih ngüshihrü azhihde lah.

MÜCHITMUDU 16:13

Thiyuro-lungkirü münküpbo ju kiulongthsürü asühpü lah, tüsho shepünü alungki asukchonü arünü api muzhochoh.

MÜCHITMUDU 22:12

Atungpuh mükbonü mükheahmudu kheahde lachoh, tüshe apinü akin mülarü yubo bahjihchoh.

T H S AN GYU T H S AN GR ARÜ 10:12

Lümlung larünü athakhi yunü api mungthu hande arüchoh, tüshe makharü münküpnü anihbuh muyuabahchoh.

DANIEL 3:30

Judüki kiulongthsüpuhnü Shadrak, Meshak tüsho Abednego Babilon lomi ching shuhkihjih.

MATHI 5:8

Mulong müsühde alarübo asühpü, tümüde arünü Thrünpuh ngübah.

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”