MÜCHITMUDU 22:1 - AMÜSÜH HÜM CL Bible (BSI)

¹ Lakhit ato kheaknü mung atsü mokhitbeah, tüsho shotoyinchi le suna kheaknü amuzho atsübe.

MÜCHITMUDU 22:1 Iomraidhean Croise

1 KIULONG THSÜRÜ 1:47

Kheaküshe kiulongthsüpuh yamlarübonü isa tungpuh kiulongthsüpuh David ki makshe jihpü arübah tha, ‘ Thrünpuhnü nü kheaknü Solomon alü mungthushang, tüsho nü kiulongthsü-binkiu kheaknü api kiulongthsü-binkiu atobe kamshang.’ Kiulongthsüpuhnü yapkiu kheak mükhümde kingaün

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

T H S AN GYU T H S AN GR ARÜ 7:1

Mung atsü ju rhümthünea kheaknü atsübe, tüsho zübe nimung kheaknü ashe nimung atsübe.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

IBRI 11:39

Harü alala arü akin hode thiyumütsan atsü thsüde ngü, tütüshe alokhikhi a müleangkhi,