MÜCHITMUDU 21:8 - AMÜSÜH HÜM CL Bible (BSI)

⁸ Amülim mihtsürü limro khüranglah; tüshe amülim mülarü rhimo alungki lah.

MÜCHITMUDU 21:8 Iomraidhean Croise

THRÜNTAN 6:12

Junangde Thrünpuhnü alomi thsümünima ngü; tümüde mihtsürü alalanü alomi kheak arü lalim athsümünim lakheah.

MÜCHITMUDU 15:26

Amütsü lümkhibo ju Atungpuh kilim athraneanbe lah, tüshe atsangkhit yubo apinü asühlah.

MÜCHITMUDU 2:15

sherü limrobo khürangla, tüsho arü limrobo ching rük-thsükhi la;

MÜCHITMUDU 21:9

Dapdaprararü niuberü lung thüyam ching lakhi kheaknü a damzü mühit ching lakhi atsübe ah.

MÜCHITMUDU 30:12

Mihtsürü khürü arü nihbuh tsangkhitlah de alümrü lah tüshe arü müneankhi müsüh-a mübah.

T H S AN GYU T H S AN GR ARÜ 7:29

Kheahang, ha lang inü yimkhitdo, junangde Thrünpuhnü mihtsürübo lungkide thrün, tüshe arünü lümkhi ahihkhüh thsümüchih.

T H S AN GYU T H S AN GR ARÜ 9:3

Alala kilim kuhi rukhüh arükhi ha alomiküp ching amütsü khülang ah. Kheaküshe, alala mulong amütsünü milah; arü arhang lachoki arü mulong ching bünkeangbünru lah, tüsho jushu arü sheabahchoh.

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

ISAIA 59:8

Arünü mungtsü limro mümükheah, tüsho arü limro ching thiyuro müla. Arünü akiukhi limrobo khürangdo lah; ju ching tsahrü shenü she mungtsü mümükheah.

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

MATHI 12:33

“Sangdung ju atsü thsüsho aso atsü labah, yungsho sangdung ju amütsü thsüsho aso amütsü labah; tümüde sangdung khülang ju asonü mütsanchoh.

MATHI 5:8

Mulong müsühde alarübo asühpü, tümüde arünü Thrünpuh ngübah.

YUNIRÜBO RHIMO 15:9

tüsho apinü isa le arü dükeak tümü mübüthsüjih, tüshe akinnü arü mulong müsühjih.

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

TITA 1:15

Atsangkhitkhi ching alala tsangkhitlah, tüshe athsümünim tüsho mükinkhi ching tümü she atsangkhitkhi müla; arü lümkhi tüsho sulümbo athsümünim lah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.