MÜCHITMUDU 21:4 - AMÜSÜH HÜM CL Bible (BSI)

⁴ Mük-müzhingkhi, kükheangküyang mulong tüsho mihbukmuyuk ju neak ah.

MÜCHITMUDU 21:4 Iomraidhean Croise

JOB HU H T ANYU 18:5

Tsükjide mihbukmuyuk ayin yihmütdo tüsho api motru müyin.

JOB HU H T ANYU 18:6

Api khimyam ching ayin mitingde lah tüsho api kumung tsünpung yihmütdo.

MUNGSHIKHÜN 10:4

Mihbukmuyuknü api kükheangkhi chingnü Thrünpuh müyim; api lüm ching Thrünpuh müla.

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 131:1

Atungpuh , I mulong mükükheang, yungsho I mükbo mümüzhing. Inü I thsungkheaknü achakato yungsho khide amüyinsahbe mülümrhih.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

MÜCHITMUDU 24:20

tümüde amütsü mihtsürü thsungkheak arübe mulonglam müla; mihbukmuyuk tsünpung amütbah.

MÜCHITMUDU 30:13

Mihtsürü khürü mükjibo khide müzhingde, khenoabahde kheahchoh.

MÜCHITMUDU 6:16

Harü mungji thuruk Atungpuhnü thraneanlah, am, thüne apinü thranean lah:

MÜCHITMUDU 6:17

kükheangde akheahkhi, akeangyu thakhi mulo, amülim thiyih bukkhi khah,

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 3:16

Atungpuhnü tha: Tümütüsho Zion tsührübebo kükheangküyang lah tüsho hungbo züngkihbah tsahchoh, arü mükji müzhingbah kheahchoh, arü yüchoki kakkakde, arü jing tsüngtsüngchoh;

LUKNÜ ATHRÜTKHI THIYUSHEAK-ATSÜ HUHTANYU 11:34

Pang yo tsün ju mük ah, jumonü küyimki nü mük tsüde alabanü, nü pang alala ayinnü mide lah. Tüshe küyimki nü mük mütsübanü, nü pang she amitingnü milah.

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

ROMRÜ KILIM PAULNÜ ATHRÜTKHI KIHÜM HUHTANYU 14:23

Tüshe shepünü dukiuhlode tsühchonü abahyukkhi lah, tümütüsho apinü atsühkhi ju akin hode yung; tüsho lüpdükhi akin hode marükhi ju neak ah.

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”