MÜCHITMUDU 21:30 - AMÜSÜH HÜM CL Bible (BSI)

³⁰ Atungpuh azhihde lümlung yungsho anikhitkhi yungsho lümthiyan tümü müla.

MÜCHITMUDU 21:30 Iomraidhean Croise

2 SAMUEL 11:9

Tüshe Urianü kiulongthsüpuh yam ripit ki kiulongthsüpuh aheangrü bolung yap, tüsho api yam lim müyüki.

1 KIULONG THSÜRÜ 14:6

Tüshe alibe khimdopü ki arüchoki, küyimki Ahijanü ajing khün sokhea, apinü tha, “Azahang, Jeroboam niube; tümüde nünü püpürü thsüpü rük thsücho? Tümütüsho nü thsungkheak I kilim thiyusheak amütsü lah.

2 KIULONG THSÜRÜ 6:12

Judüki anihbuh torü khülangnü tha, “I tungpuh kiulongthsüpuh, she müla. Israel ching lakhi wukihbuh Elishanü nünü nü yapkiu khiungshak ching thakhi yu ha Israel kiulongthsüpuh ki thachoh.”

JOB HU H T ANYU 41:2

Nünü anupung ching liu yukkhukba de, yungsho khoyangnü amükhühnuk chinkhitshihba de?

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

T H S AN GYU T H S AN GR ARÜ 6:10

Tümüpürü dünjichonü adüsonü lümakheahdo, tüsho mihtsürü ju tümüanü mükheahlah tüsho mihtsürü khülangnü api kheaknü sühmüh labuh kheak matsangachihkhuk.

ISAIA 14:27

Tümüde Wuto Atungpuhnü lümkhi thsüdo, tüsho shenü ju zhipdokhukpü? Api khah chungkih-a lah, tüsho shenü ju tukloshihba?

ISAIA 36:5

Thiyubo lang thirithsü thsungkheaknü lümkhi tüsho sühmüh de nünü lümcho shi? Kheakü nü she kheak angübah I kheak azhihkhea?

ISAIA 45:9

Nüsa sherünü nü Thrünrü kheak shochihchonü are! Api ki anihbuh ju alo kheak phühkheambo lung phühkheam khülang ah. Alonü athsübuh ki thaba de, “ Nü tümü thsücho?” Yungsho “Api khahbo müla?”

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

JONA 1:13

Judüalalashe mihtsürübonü sangkung ju alo lim belodarüpü müküpde be, tüshe arünü mukuk, tümüde keto ju arü azhihde alübe alübe tode kam.

YUNIRÜBO RHIMO 5:38

Jumonü ha thsungkheak inü nüsa ki thachoh, harü mihtsürü kheaknü chamkhiang tüsho arü zangrü zojang; tümüde ha lümkhi yungsho rhimokhi mihtsürü kilimnü a sho ju akuk müngü;

YUNIRÜBO RHIMO 5:39

tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”

JIHUSUA 2:2

Ju tsüngre Israelrü khürü lomi rük yimpü arüa lah de Jirikho kiulongthsüpuhnü so,

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.