MÜCHITMUDU 21:21 - AMÜSÜH HÜM CL Bible (BSI)

²¹ Shepünü thiyuro-lungki tüsho amüthsüm yimchonü rhangdung tüsho wüntrepü ngüchoh.

MÜCHITMUDU 21:21 Iomraidhean Croise

MUNGSHIKHÜN 112:4

Alungkirü kilim amiting ching ayin akhiukbah; api amüthsüm lah, muzhomüyi tüsho thiyuro-lungkinü milah,

MÜCHITMUDU 10:16

Thiyuro-lungkirü khisahkhi ju rhangdung lim bechoh, tüshe mihbukmuyuk mihkhahbonü thsümüchibo hande arüchoh.

MÜCHITMUDU 11:19

Thiyuro-lungkinü rhangdung lim bechoh, junangde shepünü amütsü müshamchonü ashebah.

MÜCHITMUDU 15:9

Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

MÜCHITMUDU 22:4

Azhihayih tüsho Atungpuh trekhinü lakhitbo, wüntre tüsho rhangdung lah.

MÜCHITMUDU 3:22

arübo nü thsungkheak rhangdung, nü hung züt thsüpü zülu labah.

ISAIA 51:1

I ki aniang, nüsa thiyuro-lungki müshamrübo, nüsa Atungpuh yimrübo. Nü phukkhipung lung kheak tüsho nü kiupung alokhün kheahang.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

MATHI 5:6

Thiyuro-lungki thsungkheak khümkethürirü asühpü, tümüde arü bukthsübah.

ROMRÜ KILIM PAULNÜ ATHRÜTKHI KIHÜM HUHTANYU 14:19

Tümünü mungtsü thsücho tüsho bekihchonü isanü yananü.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

FILIPI 3:12

I ha ngüabahdo yungsho I khiukdahabahdo de yung; tüshe inü ju tholopü mürangchoh, tümütüsho Khristanü she I tholodo.

1 TESALONIKA 5:21

tüshe lüpdükhi rükakheahang; tümü atsüanü düngde ramrihang,

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.