MÜCHITMUDU 21:2 - AMÜSÜH HÜM CL Bible (BSI)

² Mihtsürü limrobo alala nihbuh mük ki alungki lah, tüshe Atungpuhnü mulongbo adünchoh.

MÜCHITMUDU 21:2 Iomraidhean Croise

JOB HU H T ANYU 31:6

thiyuro-akearapung ching I adüna kheahang, tüsho I lungkikhi Thrünpuh nü mükheahshang!

MUNGSHIKHÜN 36:2

Tümüde apinü anihbuh neak müyimkhit yungsho müthranean de nihbuh küdah thsüde changde lümchoh.

MÜCHITMUDU 12:15

Makharü limro ju anihbuh mükbo ki alungki lah, tüshe lümlung larünü lümthiyan anichoh.

MÜCHITMUDU 16:2

Mihtsürü limro alala nihbuh mük ki atsangkhit lah, tüshe Atungpuhnü lümkhibo adünchoh.

MÜCHITMUDU 16:25

Mihtsürü ki limro khülang alungki nangde lah, tüshe akheam ju ashekhi lah.

MÜCHITMUDU 17:3

Suna tüsho shotoyinchi ju monü thsahakheahchoh, tüshe Atungpuhnü mulong rükakheahchoh.

MÜCHITMUDU 20:6

Mihtsürü ahihdonü nihbuh tsükhi thachoh, tüshe thiyuro mihtsürü shepünü ayimkhitkhukba?

MÜCHITMUDU 24:12

“Tsükjide isanü ha mümükheah,” de nüsanü thasho, shepünü mulongbo adünchonü lümamükheahba de? Shepünü nü me aheangchonü ju mümükheah de? Mihtsürü aban nihbuh rhimo ayannü apinü mathrihloba de?

MÜCHITMUDU 30:12

Mihtsürü khürü arü nihbuh tsangkhitlah de alümrü lah tüshe arü müneankhi müsüh-a mübah.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

DANIEL 5:27

T E K E L, adünarabe kheak nü adünakheahdo tüsho mukhiukde ngüdo;

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

GALATIA 6:3

Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

JAKOB 1:22

Tüshe thiyu yande arhimorü thsang, tüsho nüsa küdahnü mülapyukde asorü lang düthsü.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”