MÜCHITMUDU 21:10 - AMÜSÜH HÜM CL Bible (BSI)

¹⁰ Mihbukmuyuk menü amütsü mürühchoh; anihbuh yamhingrünü api kheaknü tümü amuzho müngüchoh.

MÜCHITMUDU 21:10 Iomraidhean Croise

MUNGSHIKHÜN 112:5

Mihtsürü atsünü amüthsüm lade rhimochoh tüsho nipjihchoh; apinü anihbuh shothsümolo thiyuronü akhualochoh.

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MÜCHITMUDU 12:12

Mihbukmuyuknü amütsü mihtsürü tholopü mürühchoh, tüshe thiyuro-lungkirü ying a aso asochoh.

MÜCHITMUDU 14:21

Shepünü nihbuh yamhingrü mükhemükimchonü neak yihbeakchoh; tüshe shepünü zhochihrü kheak amüthsüm lanü, api a asühpü.

MÜCHITMUDU 2:14

shepünü amütsü rhimopü ching asühachihcho, tüsho mihbukmuyukde bephülapkhi ching asühcho;

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

MÜCHITMUDU 21:9

Dapdaprararü niuberü lung thüyam ching lakhi kheaknü a damzü mühit ching lakhi atsübe ah.

MÜCHITMUDU 3:29

Nünü nü yamhingrü yuripü thsüde tümü lümkhi düthsü; apinü nü kheak kinde lah.

1 KORINT 10:6

Kheakü harü ha arünü amütsü rhimokhi nangde mükünpü isa thsungkheak dühdükhi lah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

1 JOHAN 2:16

Tümüde alomi ching lakhi alala, shihnü akünkhi, müknü amürühkhi tüsho lülüshishi rhangdung ju Abuh yo yung tüshe alomi yo ah.