MÜCHITMUDU 20:28 - AMÜSÜH HÜM CL Bible (BSI)

²⁸ Mihmüthsüm tüsho thiyuronü kiulongthsüpuh küma lashihchoh, tüsho amuzhokhinü apinü anihbuh kiulongthsü-binkiu tholobah lachoh.

MÜCHITMUDU 20:28 Iomraidhean Croise

MUNGSHIKHÜN 101:1

Inü mihmüthsüm tüsho thiyuro khün thsübah; O Atungpuh , inü nü ki mungshi khünbo thsübah.

MUNGSHIKHÜN 21:7

Tümüde kiulongthsüpuhnü Atungpuh kheak kinchoh, tüsho Khide Achangbuh mihmüthsüm hode api matrüt.

MUNGSHIKHÜN 26:1

I mütsanmükhiang, O Atungpuh , tümüde inü thiyuro-lalim ching tsahdo, inü manguhphülapde Atungpuh kheak kindo.

MUNGSHIKHÜN 40:11

O Atungpuh , nü amüthsüm I kheaknü dülulo; nü muzhodakkhi tüsho thiyuronü mutuklode I kümshang.

MUNGSHIKHÜN 61:7

Thrünpuh miki lünnü api kiulongthsü lashang; nü muzhodakkhi tüsho thiyuronü api kümdojang.

MÜCHITMUDU 16:12

Kiulongthsürübonü mihbukmuyuk yihbeakkhi ju athraneanbe, tümüde kiulongthsü-binkiu ju thiyurolungkinü lashihchoh.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 29:14

Kiulongthsürü khülangnü thiyuronü zhochihrü mahkhapsho api kiulongthsü kamruhroro labah.

MÜCHITMUDU 3:3

Mihmüthsüm tüsho thiyuronü nü dübahyukshih; jurü nü hung mükamde rhükkihang, nü mulong kheak thrütkihang,

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

DANIEL 4:24

athanakkhi ju ha lah, O kiulongthsüpuh, tüsho ha I tungpuh kiulongthsüpuh kheak arükhi Khide Achangbuh yuzüng ah: