MÜCHITMUDU 20:13 - AMÜSÜH HÜM CL Bible (BSI)

¹³ Ayappü dümuzho, jude yungsho nü zhochihrü kambah; makeangde laang tüsho nü tsühpü suhdahde alabah.

MÜCHITMUDU 20:13 Iomraidhean Croise

MÜCHITMUDU 10:4

Yomuhkhi khahbonü mihtsürü zhochihchoh, tüshe jinjihkhi khahbonü lakhit hande arüchoh.

MÜCHITMUDU 12:11

Shepünü nihbuh lo wochakchonü tsühyungbe suhdahde alabah, tüshe shepünü hoshiho-rabanü anikhitkhi müla.

MÜCHITMUDU 13:4

Yomuhyothsün mihtsürünü tümükhüh künkün she apinü küyimkishe ju müngü. Mürangde arhimorü a apinü akünkhi lüpdükhi ngübah.

MÜCHITMUDU 19:15

Yomuhyothsünkhinü yapnekudopü hande arüchoh, tüsho yiuhyiuhrara mihtsürü a khümde lachoh.

MÜCHITMUDU 20:14

Athulorünü kamruhroro adün hihlah de dapdaprarachoh, tüshe küyimki api tsokhiabahbanü nihbuh thülihde athulokhi dünkheak kükheangchoh.

MÜCHITMUDU 28:19

Shepünü nihbuh lo wochakchonü yikhapbo suhdahde alabah, tüshe shepü milimyulim müshamchonü mükheakmürakde alabah.

MÜCHITMUDU 31:15

Alibenü anihbe yambuk tsühyungbe mozümodopü tüsho ayamlaberünü arhimopü thiyipü müyinkhiyide asürüchoh.

JONA 1:6

Wühkenobuhnü arü tüsho api ki tha, “Tümü thsüde nü a yapshea la le? Asürang, nü thrünpuh ki jiang! Khükia thrünpuhnü isa thsungkheak lümrhihbah, junangde isa müdükheak.”

ROMRÜ KILIM PAULNÜ ATHRÜTKHI KIHÜM HUHTANYU 12:11

Küyimkishe mükünmuthsung düthsü, Me ching düküngde Atungpuh tankihang.

ROMRÜ KILIM PAULNÜ ATHRÜTKHI KIHÜM HUHTANYU 13:11

Ha kheak khiode ha kim tümü a, kheakü künangde ayapkhi chingnü asürüpü kim khiuka lanü nünü mükheahlah, tümüde akhümkhit ju isanü atan kinkhi kheaknü athüninbe lah;

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

2 TESALONIKA 3:10

Tümüde nüsa lung isa lachoki she, isanü ha yukhüm nüsa kilim jih: “Shepünü rhimo mürhimobanü, api a düyimtsühshih.”