MÜCHITMUDU 20:1 - AMÜSÜH HÜM CL Bible (BSI)

¹ Yukhu ju luhmüne, amüshangbe ju arhungangüm, tüsho shepü hadürünü bephülapde tsochonü lümlung larü yung.

MÜCHITMUDU 20:1 Iomraidhean Croise

2 SAMUEL 11:13

Davidnü api ju tsühyungpü api miki jiyuk tüsho api müshangshih; tüsho arelim api tungpuh yamlarü lung binkiu kheak yappü wukhiuk, tüshe apinü ayam lim müyüki.

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

MÜCHITMUDU 23:20

Yukhuri kihrü yungsho shih mürhükrü lung datruachih;

MÜCHITMUDU 31:4

Ha kiulongthsürübo thsungkheak yung, O Lemuel, kiulongthsürübonü yukhu yungbe yung, yungsho amüshangbebo ju yakzanshuhrü thsungkheak yung;

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 5:11

Nüsa sherü amüshangbe müshamde yapsu mükikde asürücho, shepü yukhunü amüshangpü thsüde are khiungde lachonü are.

ISAIA 5:22

Nüsa shepü phapke yungkhi ching athrungrü la tüsho yukhu rhupü ching mulong torü lanü are,

ISAIA 56:12

“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”

HOSEA 4:11

Müzammüram, yukhu, tüsho yukhu asonü anikhitkhi lude tsodo.

HOSEA 7:5

Isa kiulongthsüpuh thünio nimung atorübo ju yukhunü müshanga tukthsüshih; apinü luhmünerü lung khah shurün.

LEVI 10:9

“ Nü tüsho nü tsührübonü yukhu yungsho püpü amüshangbe yungbah I shorupung khimyam ching düyüzah; jude thsüsho, nüsa ashebah. Ha nüsa lün alala ching yakzan khülang labah.

HABAKKUK 2:5

Judüalalashe, yukhunü api thsungyukchoh; api bukmüke tüsho keamramde müla. Tümütüsho apinü Ashe-lomi nangde yihnelunelah; Ashekhi nangde küyimkishe api musuhdah. Apinü nihbuh thsungkheak trükshih alala bemukhungchoh, tüsho arü yo thsüpü mihtsürü alala kitmukhungchoh.

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

GALATIA 5:21

lungkhangkhi, müshangmuru, amakham adanasün, tüsho judürü püpübo. Shepünü hadürü rhimochonü Thrünpuh kiulongthsü yamrüplurüp mulu de püpüki nangde inü nüsa ki thachoh.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.