MÜCHITMUDU 2:6 - AMÜSÜH HÜM CL Bible (BSI)

⁶ Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

MÜCHITMUDU 2:6 Iomraidhean Croise

1 KIULONG THSÜRÜ 10:24

Thrünpuhnü api lümkhi ching yukjihkhi lümlung anipü lomi athrünkhinü Solomon kilim arüpü kün.

1 KIULONG THSÜRÜ 3:12

kheakü inü nü yu yande rhimochoh. Atsütsü inü nü kilim lümlung tüsho mütsankhitpü lümkhi jihchoh; nü müngüh sheshe nü ruk mülakheah tüsho nü ruk sheshe nü dunglim masürü.

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

1 KIULONG THSÜRÜ 4:29

Thrünpuhnü Solomon kilim lümlung khide ato, akheahkhitpü, tüsho keto yean loyi mükhebinkhi nangde anikhitkhi ato jih,

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

EZRA 7:25

“Nü Ezra, nü Thrünpuhnü ajihkhi lümlung yande, yakzanshuhrü tüsho mahkhaprübo sherünü Aniyüzahlim Euphrarü mihtsürü limbekhukbanü, nünü arü rhimo ching yüzahshang. Amükeamrü aban hoju yakzan nünü thsangyuang.

NEHEMIA 7:5

Jumonü Thrünpuhnü I mulong ching qiubah mihtsürübo, limberübo tüsho atorübo arü jipü yukhean yimshihpü bemukhungshih. Tüsho ramtso chingnü akhuh aturü jipü yukhean inü ngü, tüsho thrüta ngükhi ju ha:

JOB HU H T ANYU 12:13

Thrünpuh kheak lümlung tüsho sühmüh lah; api kheak lümthiyan tüsho anikhitkhi lah.

JOB HU H T ANYU 12:16

Api kheak sühmüh tüsho lümlung lah; mülapyuka larü tüsho mülapyukjihrü chido api yo ah.

JOB HU H T ANYU 22:22

Api mün chingnü thsangdankhi leangkhiang, tüsho api yubo nü mulong ching zoang.

JOB HU H T ANYU 32:8

Tüshe mihtsürü kheak me khülang lah, tüsho Wutobuh sheaknü anikhitpü api kilim jihchoh.

MUNGSHIKHÜN 119:104

Nü yukhümbo hode inü anikhitkhi ngüchoh; jumonü inü arükchih limro alala thraneanlah.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:98

Kim alala ching nü yukhüm I lung lah tüsho I riribo kheaknü I lümlung labe kamshihchoh.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

MUNGSHIKHÜN 19:8

Atungpuh yakzanbo alungki ah, mulong asühshihchoh; Atungpuh yukhümbo atsangkhitkhi, mükjibo yinshihchoh;

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 94:10

Shepünü trükshihbo khuhlanga huhchonü, shepünü mükheahmudu thsangyuchonü, apinü müthsülangba de?

ABEKHIT 31:3

tüsho inü api lümlung ching, anikhitkhi ching, mükheahmudu ching, tüsho khah-rhimo alala ching Thrünpuh menü mishih,

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

T H S AN GYU T H S AN GR ARÜ 2:26

Tümüde shepünü api asühshihchonü Thrünpuhnü lümlung, mükheahmudu tüsho asühpü jihchoh; tüshe aneakrü kilim a Thrünpuh asühshihrü kilim jihshihpü lang, apinü hanmukhungpü tüsho wumujungpü rhimo jihchoh. Ha she akeangkeang tüsho apung dunglim müshamkhi khülang ah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 2:23

O I jipü Thrünpuh, nü kilim inü makshe jihchoh tüsho shijihchoh, tümüde nünü I kilim lümlung tüsho wu jihdo tüsho isanü nü ki tümü keokhikheanü I ki akhiuka huhdo, tümüde kiulongthsüpuhnü tümü thiyukhüm jihkheanü nünü isa ki akhiuka huhdo.”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.