MÜCHITMUDU 19:13 - AMÜSÜH HÜM CL Bible (BSI)

¹³ Makhakhi tsührü ju abuh thsümünimbe lah, tüsho dapdaprurukhi yamkhünberü ju mutuklokhi tsüng lah.

MÜCHITMUDU 19:13 Iomraidhean Croise

JOB HU H T ANYU 14:19

kenü lungbo mülünde tsochoh; düchibonü alo zünde tsochoh; junangde nünü mihtsürü mulonglam thsümünimchoh.

MÜCHITMUDU 10:1

Solomon müchitmudubo: Lümlung lakhi tsührünü buhrü asühshihchoh, tüshe makhakhi tsührünü abe mulong tukthsüshihchoh.

MÜCHITMUDU 15:20

Lümlung lakhi tsührünü abuh asühshihchoh, tüshe makhakhi mihtsürünü abe mükhemükimchoh.

MÜCHITMUDU 17:17

Müyamrü khülangnü kim alala ching muzhochoh, tüsho keoniorü ju azhihpü thsungkheak zübea lah.

MÜCHITMUDU 17:21

Shepü makhakhi tsührü lanü mulong rozhak hande arüchoh, tüsho makharü abuh a asühkhi müla.

MÜCHITMUDU 17:25

Makhakhi tsührünü nihbuh abuh kilim mulong rozhak tüsho api zübebe kilim akhüh hande arüchoh.

MÜCHITMUDU 21:19

Dapdaprara tüsho bukakhiukkhi niuberü lung lamusung a sunglo ching lakhi atsübe.

MÜCHITMUDU 21:9

Dapdaprararü niuberü lung thüyam ching lakhi kheaknü a damzü mühit ching lakhi atsübe ah.

MÜCHITMUDU 25:24

Dapdaprara niuberü lung thüyam ching lakhi kheaknü a damzü mühit ching lakhi atsübe.

MÜCHITMUDU 27:15

Tsüng arü nimung mutukzhakde atsamkhi tüsho rukachih yamkhünberü rukhüh ah;