MÜCHITMUDU 19:12 - AMÜSÜH HÜM CL Bible (BSI)

¹² Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

MÜCHITMUDU 19:12 Iomraidhean Croise

THRÜNTAN 27:28

Jumonü Thrünpuhnü nü kilim thüning ayinke, alo müdang, tüsho suhdahkhi hi tüsho yukhu jihshang.

2 SAMUEL 23:4

ju yapsu ayin nangde, amo mülakhi yapsu ani akhiukkhi tsüng arü dunglim alo ching lakhi rimkiu kheak ayin tahkihkhi nangde lah.

ESTER 1:12

Tüshe küyimki yamlarübonü Vashti ki hoju thakhea, alibenü arüpü thsungloabah; junü kiulongthsüpuh mulong zhipzhipde kam.

ESTER 7:8

Küyimki kiulongthsüpuh azahlokhea, Hamannü mihmüthsüm kheangde Ester binkiu kheak khukningde mushu. Ha ngübah kiulongthsüpuhnü zhi, “Ha buh ha I yam ching I mikinü kiulongthsübe kheak aneak rhimopü thsücho shi?” Ju thaakede dukhabonü Haman ku muhiudojih.

MUNGSHIKHÜN 133:3

Haju Hermon ayinke, Zion müzüngbo kheak akikhi nangde lah; tümüde ju ching Atungpuhnü müngühmühi thiyukhüm jihdo– lünnü alapü rhangdung.

MUNGSHIKHÜN 72:6

api ju arhipkhi rimkiu kheak akikhi tsüng, alo pangkhi tsüngshimshim nangde alabah.

MÜCHITMUDU 20:2

Kiulongthsüpuh bukmükekhi ju kekhüzü arungkhi lah; shepünü küdah thsüde bukakhiukchonü nihbuh rhangdung azhihde neak yihbeakchoh.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

T H S AN GYU T H S AN GR ARÜ 8:4

Tümüde kiulongthsüpuh yu wu lah, tüsho shepünü api ki thakhukpü, “Nü tümü thsücho?”

ISAIA 18:4

Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

DANIEL 5:19

Tüsho apinü anihbuh kilim ato jihkhi hode, mihtsürü alala, trükshihbo, tüsho thiyuthabonü api miki ajan tüsho tre. Apinü sherü laksahnelanü laksah, sherü arhang lashihnelanü lashih, sherü shuhkihpü lümlanü shuhkih, tüsho sherü mükhemükimnelanü mükhemükim thsü.

DANIEL 6:24

Kiulongthsüpuhnü thiyukhüm jih, tüsho sherünü Daniel amülim jihkheanü bedarübah kekhüzübo yam ching jipyuk–arü, arü tsührü, tüsho arü niuberübo kekhüzübo yam abolim mukhiungyide kekhüzübonü arü kheak jukkih tüsho arü robo alala adütre kamde yihthünak.

HOSEA 14:5

I ju Israel ki ayinke nangde alabah; api thrilung sangbün nangde abungbah, Lebanon murungbo nangde api aying chinyukbah.

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

YUZÜNGTHALO 33:28

Jumonü Israel a kurampung ching lah, Jakob kekhip küma zolah, hi tüsho yukhu lakhi lo ching, thüningbonü ayinke akishihchoh.