MÜCHITMUDU 19:11 - AMÜSÜH HÜM CL Bible (BSI)

¹¹ Mihtsürü lümlungnü api arümkheam jihchoh; tüsho amülim thsükhi amümürang thsükhi ju api müretahkhi lah.

MÜCHITMUDU 19:11 Iomraidhean Croise

2 KIULONG THSÜRÜ 5:12

Damaska ayungbo, Abana tüsho Pharpar Israel kebo alala kheaknü atsübe yung de? Inü jurü ching müsühbah müsühde mükamkhukbea de?” Apinü rholobah abukakhiukde tso.

MÜCHITMUDU 11:13

Münjipjiprünü aramyu thakhitchoh, tüshe akin lakhi mihtsürünü aramyu zochoh.

MÜCHITMUDU 12:16

Makharü bukmükekhi khülang kinü mükheahchoh, tüshe lümlung larü mihtsürünü mükhemürangkhi amüsomürang thsüchoh.

MÜCHITMUDU 14:29

Shepü arünnü bukakhiukchonü anikhitkhi ato lah, tüshe asungsung mihtsürünü makhakhi huhchoh.

MÜCHITMUDU 15:18

Asungsung mihtsürünü rukachih akhiukshihchoh, tüshe arümkheam mihtsürünü rukachih keamloshihchoh.

MÜCHITMUDU 16:32

Arümkheamkhi ju athrungkhi kheaknü atsübe, tüsho shepünü nihbuh sungsungkhi danyukchonü kiuto yankhia lurü kheaknü atsübe.

MÜCHITMUDU 17:14

Rukachih tankihkhi ju ke dükhekhi nangde lah; jumonü murukachihyide ju zhipdoabahang.

MÜCHITMUDU 20:22

“ Inü amütsü athrihlobah” de dütha; Atungpuh aleangang, tüsho apinü nü khümkhitbah.

MÜCHITMUDU 20:3

Atsangachihpü tuklokhi ju mihtsürü wüntrepü lah, tüshe makhakhinü nahde rukachihshihchoh.

MÜCHITMUDU 25:21

Nü riri khümsho, api kilim atsühpü yikhap jihang; tüsho api kethürisho, api kilim ayungpü ke jihang;

MÜCHITMUDU 29:11

Makharünü aleangkheak akhiukde abukakhiukchoh, tüshe lümlung lakhi mihtsürünü jurü tuklochoh.

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,