MÜCHITMUDU 19:1 - AMÜSÜH HÜM CL Bible (BSI)

¹ Mülapmüji tüsho makharü kheaknü a azhihayihde atsahrü zhochihrü mihtsürü atsübe ah.

MÜCHITMUDU 19:1 Iomraidhean Croise

MUNGSHIKHÜN 26:11

Tüshe I a, I thiyuro-lalim ching tsahchoh; I rhokhitang, tüsho I ki müthsümang.

MUNGSHIKHÜN 37:26

Api lünnü amüthsüm lah, tüsho püpürü ki nipjihde lachoh; tüsho api tsühsoniusobo müngühmühia lah.

MÜCHITMUDU 12:26

Thiyuro-lungkirü ju nihbuh müyamrü limro huhrü ah, tüshe mihbukmuyuk a arü limronü bephülapde tsochoh.

MÜCHITMUDU 14:2

Shepünü nihbuh alungki ching tsahchonü Atungpuh trechoh, tüshe shepü nihbuh limro mulungkinü api mükhemükimchoh.

MÜCHITMUDU 15:16

Küpkhuk lade rahpung ato lakhi kheaknü Atungpuh trede anikhüh lakhi atsübe.

MÜCHITMUDU 16:8

Thiyuro mülade ahihdo alü thsükhi kheaknü thiyuro-lungkinü anikhüh lakhi atsübe.

MÜCHITMUDU 19:22

Mihtsürü kheak tümü alunekhi lanü ju amuzho ah, tüsho akeangyu tharü kheaknü a zhochih mihtsürü atsübe.

MÜCHITMUDU 20:7

Thiyuro-lungki mihtsürünü nihbuh thiyuro ching tsahchoh; api dunglim atsührübo müngühmühia lah.

MÜCHITMUDU 28:6

Alarü thsübah nihbuh limrobo ching mülapmüjikhi kheaknü thiyuro ching tsahkhi zhochihrü atsübe.

MÜCHITMUDU 4:24

Mülapmüji mün, tüsho thsüpkhilukhi münküpbo nü kheaknü dükhea tsoshang.

ISAIA 59:3

Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.

MATHI 16:26

Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba?

1 SAMUEL 25:17

Jumonü kheakü ha mükheahang tüsho nünü tümü rhimobeanü lümakheahang; tümüde isa putungpuh tüsho api yamkhün alala kheak amütsü rhimo lümkihabahdo; api ju shenü masukachihkhukpü thsüde mihbukmuyuk ah.”

1 SAMUEL 25:25

I tungpuh, ha mihbukmuyuk Nabal yakli dünkheak sükde dülüm; tümüde api mung yande, api ju ah; api mung Nabal ah, tüsho makhakhi api kheak lah; tüshe I, nü yamlaberünü I tungpuhnü arüshihkhi athrününgtsüngbo müngü.