MÜCHITMUDU 18:19 - AMÜSÜH HÜM CL Bible (BSI)

¹⁹ Keoniorünü arungkhi ju amüküp kiuto nangde lah, tüshe rukachihkhi ju chipiripit khrihbebo nangde lah.

MÜCHITMUDU 18:19 Iomraidhean Croise

THRÜNTAN 37:11

Akhiung pürübonü api lungkhang, tüshe ju dünkheak abuhnü lüm ching zo.

2 SAMUEL 13:22

Tüshe Absalomnü Amnon ki atsü yungsho amütsü she mütha; tümüde Absalomnü Amnon thranean; tümütüsho apinü aniurü Tamar kheak reangkihde amütsü rhimo.

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

2 KIUTHSÜYUKHEAN 13:17

Abija tüsho api bonungrünü tode laksahde arü kuk; amokhitkhi Israel mihtsürü 500,000 laksah-a yap.

MÜCHITMUDU 16:32

Arümkheamkhi ju athrungkhi kheaknü atsübe, tüsho shepünü nihbuh sungsungkhi danyukchonü kiuto yankhia lurü kheaknü atsübe.

MÜCHITMUDU 18:18

Sühmüh lakhi mihtsürü mahne mahkhappung ching azhihachihsho, azan thsükhinü neamneamruru mülüpü kuklah.

MÜCHITMUDU 18:20

Nihbuh münnü aso asokhinü mihtsürü bukthsüchoh; anihbuh mün chingnü akhiukkhinü api reangkeamchoh.

MÜCHITMUDU 6:19

arükchih thiyumütsan asukkhi, tüsho keoniorü bolung alanaji akhiukshihkhi mihtsürü.

YUNIRÜBO RHIMO 15:39

Hanangde ane marüpachihkhinü chamachih; Barnabanü api lung Mark bebah sangkung chingnü Saipra lim yüabah,

1 SAMUEL 17:28

Akhiung azopü Eliabnü mihtsürübo ki apinü athakhi so; tüsho Eliabnü David kheak alü bukakhiuk. Apinü tha, “ Tümü thsüpü nü akikhea? Sunglo ching nünü namfimihnu anükhüh thsü she ki zojihla? Nü rük thsükhi tüsho nü mulong ching amütsü lümkhi inü mükheahlah; tümüde nü a le keochihkhi kheahpü lang akia lah.”