MÜCHITMUDU 18:18 - AMÜSÜH HÜM CL Bible (BSI)

¹⁸ Sühmüh lakhi mihtsürü mahne mahkhappung ching azhihachihsho, azan thsükhinü neamneamruru mülüpü kuklah.

MÜCHITMUDU 18:18 Iomraidhean Croise

1 KIUTHSÜYUKHEAN 24:31

Harü she Aron tsühsoniuso arü buhtsührünü arhimokhi nangde, kiulongthsüpuh David, Zadok, Ahimelek, amükeamrübo yamkhün tsühsoniuso akubo tüsho Levirübo azorü tüsho keoniorü akheambuh mikinü azan thsü.

1 KIUTHSÜYUKHEAN 6:63

Merarirü kilim arü guk ayannü kiuto 12 Reuben, Gad, tüsho Zebulun trükbo chingnü jih.

NEHEMIA 11:1

Limberübo Jirusalem ching la, tüsho mihtsürü püpürübo thürü ching khülang mokhitbah amüsüh Jirusalem kiuto ching lashihpü thsüde azan thsü, tüshe aningkhi shihcham tuku ju a püpü kiutobo ching la.

MÜCHITMUDU 16:33

Azan thsükhi ju pho kheak zochoh, tüshe ju khikzhakpü Thrünpuh kilimnü lah.

MÜCHITMUDU 18:17

Mahkhappung ching akhuh mihtsürünü athakhi ju anihbuh azhihrünü api ki keokhipü mütankihyi khiungde kamruhroro alim nangde lachoh.

MÜCHITMUDU 18:19

Keoniorünü arungkhi ju amüküp kiuto nangde lah, tüshe rukachihkhi ju chipiripit khrihbebo nangde lah.

JIHUSUA 14:2

Atungpuhnü Mosa ki thiyukhüm jihkhi nangde trük tuku tüsho aniyüzahlim trük chamnakkhüh kilim a azan thsübah yamrüplurüp jih.

1 SAMUEL 14:41

Tüsho Saulnü tha, “O Atungpuh Israel Thrünpuh, tümüde nünü nü yamlarü ki khihni malojih le? Ha amülim I yungsho I tsührü Jonathan kheak lasho, O Atungpuh Israel Thrünpuh, Urimnü alojang; tüshe ha amülim Israel mihtsürü kheak lasho, Thummimnü alojang.” Tüsho Jonathan le Saul kheak azan thsükhit tüshe mihtsürübo a dükde la.

1 SAMUEL 14:42

Tüsho Saulnü tha, “I tüsho I tsührü Jonathan dükeak azan thsüang.” Tüsho Jonathan kheak akhiuk.