MÜCHITMUDU 18:16 - AMÜSÜH HÜM CL Bible (BSI)

¹⁶ Mihtsürü thsambahnü nihbuh limro khimshuhchoh, tüsho adungto mihtsürü miki api bede arüchoh.

MÜCHITMUDU 18:16 Iomraidhean Croise

THRÜNTAN 32:20

tüsho thaang, ‘Kheahang, nü yamlarü Jakob isa dunglim lah.’” Tümüde apinü lüm, “I müngüh yükhi thsambahnü inü api ki mungtsü thsübah, tüsho ju dunglim inü api miro shorubah; khükia apinü I leangkhibah.”

THRÜNTAN 33:10

Tüsho Jakobnü tha, “Yung, muzhobah, I nü miki amuzho ngüa lasho, I khah chingnü I thsambah leangkhiang; nü miro ngükhi inü Thrünpuh miro ngükhi nangde lah, tüsho nünü I ki asühdo.

THRÜNTAN 43:11

Tüsho arü abuh Israelnü arü ki tha, “Jude athsübeasho, hade thsang: Lomi chingnü akhiukkhi atsüdak sangaso khürü nüsa hahbo ching hanbah mihtsürübuh kilim thsambah thsüde yükiang–molike tüsho mukhuke anükhüh, rhümthüneabe tüsho jinjinlak, pista sangaso tüsho almondbo.

2 KIULONG THSÜRÜ 5:5

Tüsho Siria kiulongthsüpuhnü tha, “Dale yüang, tüsho inü Israel kiulongthsüpuh kilim kihüm bede ayüshihbah.” Jumonü apinü shotoyinchi 3000, suna 6000, tüsho khimmih mihbüm 10 lubah yü.

MÜCHITMUDU 17:8

Mihtsürü khürünü buknim junü wurük nangde rhimochoh de lümchoh; junü lüpdükhi thsükhukbah de arünü kinchoh.

MÜCHITMUDU 18:17

Mahkhappung ching akhuh mihtsürünü athakhi ju anihbuh azhihrünü api ki keokhipü mütankihyi khiungde kamruhroro alim nangde lachoh.

MÜCHITMUDU 19:6

Ahihdonü adungtorü amuzho ngüpü mürangchoh, tüsho mihtsürü aban thsambahbo jihrü müyamrü ah.

MÜCHITMUDU 21:14

Ramde ajihkhi thsambahnü bukakhiukkhi keamloshihchoh, tüsho dunglim lakhi buknimnü bukmüke tukloshihchoh.

1 SAMUEL 16:20

Jessenü donki lubahle yikhap, shihküp qiuqiu tüsho mihnu nunubo hah thsükihbah David kheaknü mühah-a Saul kilim yüshih.

1 SAMUEL 25:27

Tüsho kheakü nü yamlaberünü I tungpuh kilim hande arükhi thsambah ha I tungpuh yande arürü athrününgtsüngbo kilim jihang.