MÜCHITMUDU 18:10 - AMÜSÜH HÜM CL Bible (BSI)

¹⁰ Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

MÜCHITMUDU 18:10 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 32:11

Inü tamkhüntamnüchoh, I khiung Esau khah chingnü I bekhitang; tümüde inü api trelah, jude yungsho api arübah tüsho I le tsührübo tüsho berübo laksahbah.

2 SAMUEL 22:2

Apinü thsü: Atungpuh ju I lungto, I chipi tüsho I bekhitrü,

2 SAMUEL 22:3

I Thrünpuh, I lungto, shepü kheak inü jikcho, I tsung tüsho I akhümkhit juh, I tsungdorü tüsho I tsoyukpung, I khümkhitbuh; nünü I thiyih bukpü chingnü khümkhit.

2 SAMUEL 22:51

Thrünpuhnü api kiulongthsüpuh kheak akuk ngükhi ato jihchoh, tüsho apinü mujude-mokhitkhi kheak lünnü David tüsho api tsühsoniusobo kilim mihmuzho huhchoh.

MUNGSHIKHÜN 144:2

I muzhobuh tüsho I chipi, I yo aheangsadam tüsho I bekhitrü, I tsung tüsho I tsoyukpung, shepünü mihtsürü I khüp kamshihcho.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 20:2

Apinü arüngakopung chingnü nü kilim arung arüshang, tüsho Zion chingnü rungzürungdo jihshang.

MUNGSHIKHÜN 27:1

Atungpuh ju I tsün tüsho I akhümkhit; inü she trepü la? Atungpuh ju I rhangdung sühmüh ah; inü she trepü la?

MUNGSHIKHÜN 91:14

Tümütüsho apinü nihbuh amuzho I kheak zo, jumonü inü api bekhitbah; inü api achang kheak lashihbah, tümütüsho apinü I mung mükheahdo.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

ABEKHIT 6:3

Inü Abraham, Isak tüsho Jakob ki Wuto Thrünpuh ah de akhiuka huh, tüshe inü arü ki I mung Atungpuh de mümükheahshihde alakheah.

MÜCHITMUDU 14:26

Atungpuh trekhi ching mulongram adüküng lah, tüsho api tsührübo tsoyukpung dangpung labah.

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

ISAIA 26:4

Lünnü Atungpuh kheak kinang, tümüde Atungpuh T H RÜ NPU H ju akheam mülakhi Lung ah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

HABAKKUK 3:19

Atungpuh T H RÜ NPU H ju sühmüh; apinü I jing ju shihmüchi jing nangde kamshihchoh, tüsho achangbo kheak inü jungshihchoh. Aliu kihkhi khün-khungbenü: khün-huhrü kilim.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

1 SAMUEL 17:45

Tüshe Davidnü Goliath ki tha, “Nünü nukshang, thsüh tüsho thsühshang shuhbah I kilim arang; tüshe I a nünü mükhemükimkhi Israel bonungrü Thrünpuh Wuto Atungpuh mung chingnü arübah.

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.