MÜCHITMUDU 17:7 - AMÜSÜH HÜM CL Bible (BSI)

⁷ Wüntre lakhi mihtsürünü akeangyu müthachoh, tüsho makharünü athülünkhi tümü thapü müla.

MÜCHITMUDU 17:7 Iomraidhean Croise

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

JOB HU H T ANYU 34:12

Tsükjide Thrünpuhnü mihbukmuyuk mürhimo, tüsho Wutobuhnü thiyuro mushuhphülap.

MUNGSHIKHÜN 31:18

Arünü kükheangde tüsho bahyukde thiyuro-lungkirü azhihde asukkhi dünkheak arü keangtha münküp zhikde kamshang.

MÜCHITMUDU 12:19

Thiyuro münküp ju lünnü rünkhiungbah, tüshe keangtha mulo anükhühkheak thsungkheak ah.

MÜCHITMUDU 12:22

Keangtha münküpbo Atungpuh kilim athraneanbe lah, tüshe sherü thiyuronü akhualochonü api asühpü lah.

MÜCHITMUDU 19:10

Makharünü müthangmüsün ching lapü maye, azhorü khülangnü yakzanshuhrübo kurungkheak yakzan mushuhkhuk!

MÜCHITMUDU 24:7

Makharü thsungkheaknü lümlung ju khide changlah; chipiripit ching apinü amün mükhimshuh.

MÜCHITMUDU 26:1

Muzhu ching phürüm tüsho yimlu ching tsüng lakhi nangde makharü thsungkheaknü mungshipü maye.

MÜCHITMUDU 26:7

Makharü mün ching müchitmudu khülang ju jingkikrü jingbo zhinkhia lakhi nangde lah.

MÜCHITMUDU 29:12

Yakzanshuhrünü akeangyubo anisho, api torü alala mihbukmuyuk kamchoh.

MÜCHITMUDU 6:17

kükheangde akheahkhi, akeangyu thakhi mulo, amülim thiyih bukkhi khah,

MATHI 7:5

Yiuhkhaprübo! Akhuhde nü mük ching lakhi aneak yihkhita bahang, tüsho jushu nü keoniorü mük ching lakhi aneak mütsande angübah.