MÜCHITMUDU 17:17 - AMÜSÜH HÜM CL Bible (BSI)

¹⁷ Müyamrü khülangnü kim alala ching muzhochoh, tüsho keoniorü ju azhihpü thsungkheak zübea lah.

MÜCHITMUDU 17:17 Iomraidhean Croise

2 SAMUEL 1:26

I nü thsungkheak mulong rozhaklah, I keonio Jonathan; nünü I kheak khide muzhodakde alakheah; nünü I muzhokhi amüyinsahbe, aliberü muzhokhi kheaknü alü lakheah.

2 SAMUEL 15:21

Tüshe Ittainü kiulongthsüpuh ki alo, “Atungpuh tüsho I tungpuh lale, I tungpuh kiulongthsüpuh küching küching yüyüshe, ashepü thsüthsü yungsho arhang lapü thsüthsü, ju ching she nü yamlarü labah.”

ESTER 4:14

Nünü hadürü kim ching sheak makhiukde binsho, yinmi limnü Jihudarü kilim arung arübah, tüsho arü khümkhitbah tüshe nü a ashebah tüsho nü buh yamkhün adükheakbah. Shenü mükheahla, hadürü kim khülang thsungkheaknü nü kiulongthsüberü kamshihkhi she alapü kuklah.”

MÜCHITMUDU 16:28

Mülapmüji mihtsürünü rukachih akhiukshihchoh, tüsho juphityuphitnü müyamrü khungbo thraza thsüjihchoh.

MÜCHITMUDU 18:24

Khürü müyamrü thsükhea rünmukhiung, tüshe keoniorü kheaknü alü dakkihde alakhi müyamrü khülang lah.

MÜCHITMUDU 19:13

Makhakhi tsührü ju abuh thsümünimbe lah, tüsho dapdaprurukhi yamkhünberü ju mutuklokhi tsüng lah.

MÜCHITMUDU 19:7

Zhochihrü a nihbuh keoniorü alalanü thraneanchoh; anihbuh müyamrünü küdükhüh she api kheaknü limshude tsocho! Apinü arü mushude müshamsham she, arünü api bahyukchoh.

IBRI 2:11

Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde

RUTH 1:16

Tüshe Ruthnü alo, “Nü bahbah atsopü I ki dümushu! I nü lung yüanü. Nü küching yübanü I she ayübah, nü küching labanü I she alabah; nü mihtsürü ju I mihtsürü thsübah, tüsho nü Thrünpuh ju I Thrünpuh thsübah.

1 SAMUEL 18:3

Judüki Jonathannü David kheak tangzüng khülang thsü, tümütüsho anihbuh me nangde api muzho.

1 SAMUEL 19:2

Jonathannü David ki tha, “I buh Saulnü nü laksahpü yimchoh; jumonü shido yapsu rhüngrhüngang; asük ching jikabahang.

1 SAMUEL 19:3

Inü awukhiukbah tüsho nü jikpung thulu ching I buh rheang ki zhipbah, tüsho inü I buh ki nü dünkheak thabah; inü tümükhüh mükheahsho nü ki thabah.”

1 SAMUEL 20:17

Kheaküshe Jonathannü David ki anihbuh ki muzhopü thsungkheak thiyuchihchimshih; tümüde nihbuh rhangdung muzhokhi nangde apinü anihbuh muzho.

1 SAMUEL 23:16

Saul tsührü Jonathannü tsahmusubah David kilim Horesh ching arü; Atungpuh hode ju ching api reangzahlode kam.