MÜCHITMUDU 17:15 - AMÜSÜH HÜM CL Bible (BSI)

¹⁵ Shepünü mihbukmuyuk alim thsüjihcho, tüsho thiyuro-lungkirü bahyukchonü ane chido Atungpuh kilim athraneanbe lah.

MÜCHITMUDU 17:15 Iomraidhean Croise

1 KIULONG THSÜRÜ 21:13

Mihtsürü amütsü mahne azah tüsho Naboth mikhuh bin; tüsho mihtsürü amütsübonü Naboth azhihde mihtsürü mikinü tha, “Nabothnü Thrünpuh tüsho kiulongthsüpuh athrudo.” Jumonü arünü api kiuto aleanglim bekhit, tüsho api rusahabah.

MUNGSHIKHÜN 94:21

Arünü thiyuro-lungkirü rhangdung azhihde rukhüh mukhungchoh, tüsho amülim mülarü sheshihchoh.

ABEKHIT 23:7

Arükchihbo chingnü nü limshuang; amülim mülarü tüsho thiyuro larü dülaksah. Tümüde inü mihbukmuyuk alim müjih.

MÜCHITMUDU 11:1

Mulungkide akearakhi ju Atungpuh kilim athraneanbe lah, tüshe thiyuronü adünkhi ju api asühpü lah.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 17:26

Thiyuro-lungkirü thsümüchipü yungsho arü lungkikhi thsungkheak yakzanshuhrübo shikkhi ju alim yung.

MÜCHITMUDU 18:5

Mihbukmuyuk ki jakkheah huhkhi yungsho thiyuro-lungkirü mahkhap ching bahyukkhi ju atsü yung.

MÜCHITMUDU 31:5

jude yungsho arünü ayungbah tüsho yakzan mihbah, tüsho junoa larü alim alala khenoabahbah.

MÜCHITMUDU 6:16

Harü mungji thuruk Atungpuhnü thraneanlah, am, thüne apinü thranean lah:

ISAIA 5:20

Nüsa shepünü amütsü ki atsü tüsho atsü ki amütsü jichonü, shepünü amiting ju ayin tüsho ayin ju amiting kamshihcho, shepünü akhüh ju aniung tüsho aniung ju akhüh kamshihchonü are!

ISAIA 5:23

shepü buknim khülang thsungkheaknü amülim ngücho, tüsho amülim mülarü ki arü alimbo junocho!

TÜZHOKHI 3:35

küyimki mihtsürü alimbo Khide Achang miki bephülapbanü,

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

AMOS 5:12

Tümüde nüsanü alakmihkhi küdükhühanü, tüsho nüsa neakbo küdükhüh atoanü inü mükheahlah–nüsa shepünü thiyuro-lungkirü thsünüshihcho, shenü buknim lucho, tüsho chipimurung ching müthsümülarü nimhuh-a bahcho.

AMOS 5:7

Nüsa thiyuro akhühsang kamshihrü, tüsho thiyuro-lungki alo kheak jipkhia bahrü ayokhe!

AMOS 6:12

Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.

ROMRÜ KILIM PAULNÜ ATHRÜTKHI KIHÜM HUHTANYU 4:5

Tüsho shepü mürhimo tüshe amükinrü alim kamshihbuh kinrü kilim api akin ju thiyurolungki khejihchoh.

YUZÜNGTHALO 25:1

“Mihtsürü mahne dükeak neamneamde mahkhappung ching arüsho mahkhaprünü ane dükeak mahkhapjihpü kuklah, tüsho arünü khülang alim tüsho püpü ju amülim jihbah,

JAKOB 5:6

Nüsanü bahyukdo, nüsanü thiyuro-lungki mihtsürü laksahdo; nüsa ki marochih.