MÜCHITMUDU 17:14 - AMÜSÜH HÜM CL Bible (BSI)

¹⁴ Rukachih tankihkhi ju ke dükhekhi nangde lah; jumonü murukachihyide ju zhipdoabahang.

MÜCHITMUDU 17:14 Iomraidhean Croise

2 SAMUEL 19:41

Judüki Israel mihtsürü alala kiulongthsüpuh ki arübah tha, “Tümüde isa keoniorü Juda mihtsürübonü kiulongthsüpuh tüsho api yamkhün tüsho api lung David mihtsürü alala ahüh-a bea lubah Jordan hoshihkhea?”

2 KIUTHSÜYUKHEAN 13:17

Abija tüsho api bonungrünü tode laksahde arü kuk; amokhitkhi Israel mihtsürü 500,000 laksah-a yap.

2 KIUTHSÜYUKHEAN 28:6

Remalia tsührü Pekanü nimung khülang chingnü Juda ching athrungrü bonungrü 120,000 laksah, tümütüsho arünü Atungpuh arü jipürü Thrünpuh bahyuk.

MÜCHITMUDU 13:10

Lülüshishikhinü rukachihpü lang akhiukshihchoh, tüshe tsüde thsangdankhi ju lümlung ah.

MÜCHITMUDU 14:29

Shepü arünnü bukakhiukchonü anikhitkhi ato lah, tüshe asungsung mihtsürünü makhakhi huhchoh.

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 16:32

Arümkheamkhi ju athrungkhi kheaknü atsübe, tüsho shepünü nihbuh sungsungkhi danyukchonü kiuto yankhia lurü kheaknü atsübe.

MÜCHITMUDU 17:19

Shepünü rukachihrü muzhochonü neak muzhochoh; shepünü chipiripit achang thsüchonü athsümünim münitchoh.

MÜCHITMUDU 19:11

Mihtsürü lümlungnü api arümkheam jihchoh; tüsho amülim thsükhi amümürang thsükhi ju api müretahkhi lah.

MÜCHITMUDU 20:3

Atsangachihpü tuklokhi ju mihtsürü wüntrepü lah, tüshe makhakhinü nahde rukachihshihchoh.

MÜCHITMUDU 25:8

Mahkhappung ching niokheamde düyü; tümüde nü yamhingrünü nü achih kipchoki akheam ching nünü tümü thsüba?

MÜCHITMUDU 26:21

Mokhihnü lamlamshihchoh tüsho sangnü mo aniushihchoh, junangde rukachih mihtsürünü kiumüzhim akhiukshihchoh.

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.

ROMRÜ KILIM PAULNÜ ATHRÜTKHI KIHÜM HUHTANYU 12:18

Kuksho, nünü alala ki mungtsü laang.

1 TESALONIKA 4:11

Isanü nüsa ki thakhi nangde, akhimahe rhangdung lapü, nüsa nihbuh shothsümolo lümpü tüsho nüsa khahnü arhimopü nüsa mükkheahkih thsang,